Marami nang artista ang nagsilabasan upang ihayag kung sino ang kanilang sinusuportahan sa pagkapangulo sa May 9, 2022 elections.
Isa na rito ang Magandang Buhay host na si Melai Cantiveros.
Sa Instagram ngayong araw, March 7, 2022, ibinahagi ni Melai ang kanyang quote card kung bakit ang boto niya ay para kay Vice President at presidential aspirant Leni Robredo.
Mababasa rito: “Ang boto ko para kay VP Leni Robredo ay boto ko para sa magandang kinabukasan ng mga kabataang Pinoy.”
View this post on Instagram
Isa sa mga unang nagkomento sa post na ito ay ang dating co-host ni Melai sa Magandang Buhay na si Karla Estrada.
Sabi ni Karla: "Love you lai [white heart emoji]”
Dagdag pa niya: “Go go momshie mels! Amping [white heart emojis]”
Sagot ni Melai sa kanya: “yesyesyes ikaw pod chamber”
Magkaiba ang sinusuportahan ng dalawa dahil iniendorso ni Karla ang katunggali ni Robredo na si former Senator Ferdinand “Bongbong” Marcos Jr.
Si Karla ay isa rin sa mga nominado ng Tingog Party List, sa pangunguna ni Representative Yedda Marie K. Romualdez.
Isa si Romualdez sa mga kongresistang bumoto na ibasura ang franchise renewal application ng ABS-CBN, ang network na kinabibilangan nina Melai at Karla.
FOR THE SAKE OF ABS-CBN?
Marami ang nagkomento sa post na ito ni Melai na kanyang sinagot, at kinumbinsi pa ang iba na sumama sa kanyang krusada.
Makahulugan komento ng isa, "Patay rayo dyn melai."
Tugon ni Melai, "di nga tayu mamatay mas mabubuhay pa tayu"
May mga nagsabi ring kaya raw iboboto ni Melai si Leni ay para sa bagong prangkisa ng ABS-CBN.
Napaso ang prangkisa ang ABS-CBN noong May 5, 2020, at tuluyang ibinasura ng Kongreso ang franchise renewal application ng network noong July 10, 2020.
Saad ng isang follower, "For the sake of Abs-cbn, not for the Philippines and it’s people, sa nkikita ko lang."
Paglilinaw naman ng comedian-host, "for the sake of u and ur family kaya ko boboto si Leni"
Ayon sa isa pa, "si leni e boto nila para mabuksan ang abscbnEND"
Sagot ni Melai sa wikang Bisaya: "buhi paman gani abs misag wala gibuksan [buhay pa naman ang abs kahit hindi binuksan]"
Pasaring ng isa pa: "ay leni kau para sa abs cbn di para sa Pilipinas.."
Tugon ni Melai: "mas para sayu hindi para sa abs para maencourage ka muboto sa tama"
"MAS SAKALAM LENI"
Marami pang sinagot si Melai na mga nagkomento, na ang ilan ay malinaw na tagasuporta ni Marcos Jr.
Ayon sa isang netizen, "BBM lang sakalam"
Sagot naman ni Melai, "mas sakalam Leni"
Sabi naman ng isang basher, "Huuuy Melai gising!!! Taga Mindanao kapa mandin bobo ka mag isip"
Hindi nagpatinag si Melai: "ikaw ang gising hindi lahat ng taga mindanao parehas sayu mag isip, sabihin mu yan sa sarili mu, matagal kanang tulog, baka sa pagising mu Umayos na ang pinas"
Ayon pa sa isang follower na Bisaya, "Sagdi nlng na sya kay utang kabu but on mn gd na nya lisud mn pd pero malay ba nmug ig ting butar sa tumoy sa ballpen lahi d.i awwww [Hayaan mo lang siya kasi utang na loob niya yan kahit mahirap malay natin sa araw ng botohan iba ang isusulat sa ballpen awwww] ipaglaban mn jd na nila ilang Nanay mando sa boss [ipaglaban nila ang kanilang nanay dahil utos ng boss]"
Tugon dito ni Melai: "utang kabubut on ni Para sa inyuha nga nibutar sa akoa sa Pbb kay para dili lang ko muangat pati pod kamu, dili ni para sa akoa para ni sa inyu [utang na loob ito sa inyo dahil ibinoto niyo ako sa PBB para umangat ako kasama kayo, hindi ito para sa akin lamang kundi para sa inyo]"
Sabi pa ng isang basher: "Pink ang boto nang mga bobo"
Tugon sa kanya ni Melai: "are u sureeeee?"
for THE FUTURE
Narito pa ang ibang komento, na ang ilan ay may pagkabastos, na sinagot pa rin nang maayos ni Melai.
Bukod kina Leni at Bongbong, ang iba pang prominenteng tumatakbo sa pagkapresidente ay sina Senator Manny Pacquiao, Senator Ping Lacson, at Manila Mayor Isko Moreno.