Hindi pa man nangangalahati ang taong 2023, marami nang nakaabang na proyekto sa Kapuso actor na si Alden Richards.
Ayon kay Alden, nagpahinga lamang siya nang saglit matapos ang pinagbidahan niyang prime-series na Start-Up PH, ang Pinoy adaptation ng hit Korean series na Start-Up.
Read: Bea Alonzo, Alden Richards lead powerhouse cast of Start-Up PH
Nakapanayam ng Philippine Entertainment Portal (PEP.ph) si Alden sa Century Tuna Saving Our Seas initiative sa Anilao, Batangas, noong March 25, 2023.
Dito, tinanong ng PEP.ph kung kumusta siya matapos ang Start-Up at anu-ano ang mga plano niya sa kanyang showbiz career ngayong 2023.
Saad ni Alden, “Medyo lumuwag nang matindi yung schedule ko.
“Itong first quarter kasi ng 2023 was more really about planning and plotting out what's next for me for this year.
“Patapos na ang first quarter of March, papasok na ang April going to second quarter, so medyo dire-diretso naman na po ito.”
Ibinahagi rin ni Alden ang mga nakaabang na proyektong gagawin niya sa GMA-7: may isang bagong show na siya ang host at dalawang pelikula.
Sabi ni Alden, “First, with GMA, I’ll be having a new hosting show.
“I’ll be doing… for now there are two confirmed movies that we will be shot here and abroad.
“Tapos kakabalik ko lang din po sa Eat Bulaga!.
“So, I see to it na kahit papaano ma-squeeze in ko siya kahit gaano ka-busy yung schedule.”
Sundot na tanong ng PEP.ph, “E, teleserye, may nakalinya na bang teleserye sa yo?”
Sagot ni Alden, “Series? Sa ngayon wala pa. As for now yung movies at hosting pa lang.
“Yung teleserye might come in latter part of 2023 pa.”
Dagdag pa rito, may mga nakalinya na rin silang plano para sa kanyang production company na Myriad Corporation kung kaya't paniguradong magiging abala raw siya.
“Raratsada na po tayo ng second quarter,” aniya.
ALDEN RETURNS TO EAT BULAGA!
Noong March 11, 2023, ginulat ni Alden ang kanyang mga tagahanga nang magbalik siya sa longest-running noontime show na Eat Bulaga!.
Read: Alden Richards, babalik na sa Eat Bulaga!; Louie Ignacio, bagong direktor ng noontime show
Matagal hindi napanood sa Eat Bulaga! si Alden dahil sa busy schedule nito, kaya ganoon na lamang kasabik ang kanyang fans na muli siyang makita at mapanood sa noontime show.
Ani Alden, maging siya ay na-excite sa muli niyang pagbabalik sa Eat Bulaga! dahil na-miss niya ang mga Dabarkads maging ang pagho-host.
Saad niya, “Yung weekdays with Dabarkads at yung every day na, you know, for the longest time ayun yung lagi kong ginagawa, so, isa yon [sa na-miss ko].
“Bukod sa Dabarkads, yung hosting na rin as well.”
Malaki ang utang na loob ni Alden sa Eat Bulaga! dahil ito ang naging instrumento sa malaking pagbabago sa kanyang buhay at showbiz career.
Naabot ni Alden ang superstar status nang tangkilikin ng publiko ang AlDub loveteam nila ni Maine Mendoza na nag-umpisa dahil sa "Kalyeserye" segment ng Eat Bulaga! noong July 16, 2015.
Read: Alden Richards speaks up on ridiculous rumors about him and Maine Mendoza
ALDEN RICHARDS ON RELATIONSHIP
Sa kabila ng pagiging busy ni Alden sa kanyang showbiz career, may panahon pa ba siya sa pag-ibig?
Sagot ni Alden, “Secret… but seriously, darating yan.”
Read: The ladies linked to Alden Richards
Natanong din ang aktor kung naniniwala ba siyang dapat proactive ang isang tao para magka-love life.
Aniya, “It really depends.
"Ang love naman kasi its depends on the person...
“Parang, kung ikaw ayun yung priority mo, kung eager ka to really find that someone for you and you feel like it’s about time to na magkaroon ka naman ng special someone.
“But with other people naman, siyempre may mga tao pa rin naman na naniniwala sa right timing, yung hindi mo kailangang ipilit.
“Kasi minsan yung mga bagay na pinipilit, ayun yung mga bagay na hindi natutupad e.”
Read: Alden Richards finally reveals what happened between him and Julie Anne San Jose