Binati ni Sunshine Cruz ang ex-husband nitong si Cesar Montano sa ika-61 kaarawan ng aktor.
Noong August 1, 2023 pa ang kaarawan ni Cesar pero nitong Huwebes ng gabi, August 3, lamang nagdaos ng selebrasyon ang aktor.
Sa party ni Cesar, kumpletong nakisaya sa kanya ang tatlong dalagang anak niya kay Sunshine na sina Angelina Cruz, Sam Cruz, at Chesca Montano.
Sa Instagram, nag-share si Chesca ng picture ng birthday cake para kay Cesar.
Si Sam naman ay nagbahagi ng short video ni Cesar habang hinihipan ang birhday cake nito.
Sabi niya sa caption, "Love you daddy! Happy birthday.”
Sa Instagram Story ni Angelina, ibinahagi niya ang larawan kasama ang ama at mga mga kapatid na sina Sam at Chesca.
Wala siyang inilagay na caption dito.
Ang larawang ito ang ginamit ni Sunshine, at ibinahagi sa kanyang Instagram Story ngayong araw, August 4, 2023.
Caption ni Sunshine, “Happy birthday to the father of my three beautiful princesses!!! [smiling face, cake, balloon emojis]
“May God bless you more! Cheers! @cesarbuboymontano”
May mensahe rin ang aktres sa kasalukuyang partner ni Cesar na si Kath Angeles.
Ani Sunshine, “See you soon beautiful @maarriiaaao5 (heart emoji)”
BLENDED FAMILY
Kinagiliwan ng netizens ang bagong setup ng pamilya ni Sunshine at sa bagong pamilya ni Cesar.
Maayos na kasi ang pakikikitungo niya sa dating asawa.
Dumating na raw ang panahong ibaon sa limot ang nakaraan para sa ikasasaya ng lahat.
Sa dulo raw kasi ng usapin, pamilya pa rin sila.
Ipinagdasal daw niya ito at naibigay naman sa kanya ng Diyos.
Sabi ni Sunshine noon, “Hey guys! Salamat sa napakagagandang comments nyo. I’ve read it and nakakatuwa na makita that you guys appreciate our (blended) family.
“Masayang masaya especially ang mga bata and their happiness is my happiness. Dumating na sa amin ang oras na kalimutan ang past, move forward and to have a better relationship.
“We are family afterall. Sabi ko nga ‘in God’s perfect time’. I prayed and I believed that this will eventually happen and it was given to me and my family.”
Read: Sunshine Cruz on forgiving ex-husband Cesar Montano: “You wake up one day that you’re healed.”
Sa exclusive interview naman ng PEP.ph (Philippine Entertainment Portal) kay Sunshine sa nakaraang GMA Gala 2023 nitong nakarang July 22, 2023, sinabi nitong ipinagdasal niya ito sa Diyos.
Aniya, “Yes, Ive always expected na this will happen in God’s perfect time, and nangyari na nga.
“And everyone’s happy especially the children, and yun naman ang importante ang kaligayahan ng mga bata.”
Read more:
- Sunshine Cruz chooses forgiveness; celebrates New Year with ex-husband Cesar Montano and his current partner
- Cesar Montano attends daughter Sam Cruz's 18th birthday party
- Sunshine Cruz proud of daughters Sam Cruz, Chesca Montano for academic achievements
- Sunshine Cruz "so happy" to meet ex-husband Cesar Montano's kids with Kath Angeles
- Sunshine Cruz, Kath Angeles exchange pleasantries on Instagram anew
- Sam Cruz celebrates 18th birthday with dad Cesar Montano's new family
- Teresa Loyzaga, Macky Mathay react to reunion of Sunshine Cruz, Cesar Montano, and their kids
- Cesar Montano pens short but sweet birthday message for daughter Sam Cruz
- Sunshine Cruz thanks everyone for appreciating her “blended” family: “Oras na kalimutan ang past.”
- Sunshine Cruz and Kath Angeles continue to forge friendship; strengthen blended family setup