Nag-panic ang fans ng basketball player na si Kobe Paras dahil hindi na nila mahanap ang Instagram account nito.
Dahil dito, dinumog ng fans ang account ni Kyline Alcantara, ang itinuturong girlfriend ngayon ni Kobe, para magsumbong at makakuha ng impormasyon.
Sa post ng isang magazine kung saan si Kyline ang kanilang cover photo, nag-comment ang isang netizen.
Ayon dito, "Bakit Hindi nka follow si kobe paras"
Sagot ng isang netizen, "inaayos Po ni Kobe accnt nya may pa surprised yata"
May mahabang payo naman ang isang fan ng rumored couple na sina Kobe at Kyline.
Sabi niya, "deactivated ata ig ni kobe. hindi natin alam kung bakit. pero pls, tigilan niyo na kasi kakamention sa kaniya sa mga ig posts ni kyline. pinepressure nyo nang mag-like, comment, story, or what eh. while its true that their chemistry is something and it’s making u all happy, let’s stop making it looks like they are responsible to keep that “kilig” para sa inyo. kaya nga lowkey kasi hindi yan loveteam na gagawa ng teleserye or series. LET THEM ENJOY WHAT THEY HAVE GENUINELY."
Sumang-ayon naman sa kanya ang ilang fans.
Read: Kyline Alcantara gives safe answers when asked about Kobe Paras
KYLINE ALCANTARA SPOTTED WITH KOBE PARAS AND FAMILY
Nitong mga nakaraang linggo, mukhang unti-unti nang nagiging bukas sa publiko sina Kobe at Kyline sa kanilang espesyal na relasyon.
Noong July 26, 2024, spotted silang magkasamang magka-holding hands habang naglalakad papasok sa isang establishment.
Kasunod ng dalawa ang ama ni Kobe na si Benjie Paras at ang nakatatanda nitong kapatid na si Andre Paras, kasama ang non-showbiz girlfriend nito, ang swimmer na si Honey Escarez.
Hindi matiyak kung saan kuha mismo ang video at kung bakit magkakasama ang mga ito.
Mukhang ipinakilala na ni Kobe sa kanyang pamilya si Kyline na labis namang ikinatuwa ng netizens.
Read: Kyline Alcantara, Kobe Paras spotted together at GMA Gala 2024
Bago pa nito, masaya rin ang fans ng dalawa nang makita silang magkasama sa GMA Gala 2024 sa Manila Marriott Hotel sa Pasay City, noong Hulyo 20, 2024.
Read: Kyline Alcantara, Kobe Paras spotted together at GMA Gala 2024
Noong Mayo 2014 pa natunugan ng showbiz fans ang closeness ng Kapuso actress at ng basketball player, kaya naman marami ang nag-aabang sa totoong relationship status nila.