Hinangaan ng maraming netizens ang tatlong anak ni dating Vice-President at ngayo'y Naga City Mayor Leni Robredo dahil sa pagiging simple ng mga ito sa gitna ng mainit na isyu tungkol sa "nepo babies."
Ang tatlong anak ni Leni ay sina Aika, 37; Tricia, 31, at Jillian, 25.
Usap-usapan pa rin online ang pagbabalandra ng ilang social media influencers at anak ng politiko ng kanilang lavish lifestyle.
Kabilang na rito ang madalas nilang pagbabakasyon sa iba’t ibang bansa, pagkain sa mga mamahaling restaurant, pagsusuot ng designer clothes, at paggamit ng branded bags na umaabot sa milyun-milyon ang halaga.
Read: Bretman Rock calls out nepo babies with "ugly fashion choices"
Ayon sa mapanuring netizens, kabaliktaran ito sa mga anak ni Leni.
Bagamat nanggaling sa isang prominenteng pamilya sa pulitika, nananatili umanong grounded ang magkakapatid na pinaghihirapan ang kanilang pangluho at pag-aaral magmula nang pumanaw ang kanilang amang si Jesse Robredo noong August 2012.
Gaya ni Leni, may katungkulan noon sa gobyerno si Jesse nang magsilbi siyang DILG (Department of Interior and Local Government) secretary sa administrasyon ni former President Benigno Aquino III at Naga City mayor mula 1988 hanggang 1998.
Tweet ng isang netizen sa X (published as is): "LIFESTYLE CHECK. No mansions. No luxury cars. No obsession with designer clothes or expensive bags.
"Instead, they are scholars and graduates of world-renowned universities abroad (Harvard and NYU). Achievements earned through hard work, perseverance, and dignity.
"The Robredo family embodies what true public service means. They never sought power or wealth for themselves.
"They represent real class, integrity, and a heart devoted to genuine service. This is the kind of family our nation needs.
"This is the standard we must demand from our leaders."
Read: Sam YG calls for "tax break" amid DPWH flood project corruption
AIKA, TRICiA, AND JILLIAN'S EDUCATIONAL BACKGROUND
Marami rin ang humanga sa pagpupursigi nina Aika, Tricia, at Jillian sa paghahanap ng scholarship sa mga kilalang unibersidad na kanilang pinasukan.
Ang panganay na si Aika ay nagtapos ng kanyang Master in Public Administration sa prestihiyosong Harvard Kennedy School sa Cambridge, Massachusetts.
Dahil nakakuha ng full scholarship si Aika sa Harvard, mula sa tuition at dorm ay walang pinuproblemang bayarin si Leni.
Scholar din si Tricia sa Ateneo de Manila University nang grumadweyt siya ng kolehiyo mula sa kanyang joint degree na Doctor of Medicine at Master in Business Administration (MD-MBA).
Full scholarship din ang natanggap ng bunsong si Jillian sa New York University College of Arts and Science nang kumuha siya ng kursong Bachelor of Arts major in Economics and Mathematics.
Read: Jillian Robredo graduates with double major from New York University
Sa isang panayam noon, sinabi ni Leni na nagdalawang-isip siya nang magpaalam si Jillian na mag-aral sa ibang bansa, kahit nakapasa na ito para sa full scholarship.
Inisip daw kasi ng alkalde ng Naga na baka hindi nila kayang ma-sustain ang ibang pangangailangan ni Jillian mula sa kanyang dorm at allowance.
Sa kagustuhan ni Jillian na makapagtapos ng pag-aral, naghanap daw ito ng part-time job para tustusan ang kanyang pangangailangan nang hindi na humihingi pa sa ina.
NETIZENS PRAISE ROBREDO SISTERS
Dahil sa mga ito, mas lalong bumilib ang netizens sa ipinamalas na pagpupursigi ng tatlong anak ni Leni.
Tweet ng isang netizen: "Robredo girls went to expensive school under scholarship program. Grabe kahit alam naman nating nasa gobyerno ang magulang nila hindi nila ito ginamit para makapag-aral nang walang kahirap-hirap."
Mayroon ding netizen ang nakapansin sa pagpu-post ng tatlo sa kanilang social media gamit ang mga local brand.
Saad ng isa (published as is): "See, hindi sila nanamantala. They worked so hard para marating kung ano ang meron sila. Yes, they do travel but you will never see them flaunting flying private jets while wearing luxury brands. Kaya I admire talaga the Robredos for being so grounded."
Paghanga pa ng isa: "Robredo ladies proving that you can be a politician, anak ng politician at asawa ng politician pero kayang mamuhay ng simple, at sumuporta sa local brands and products, and still be classy.
"Di katulad ng iba na trying hard magpaka classy at yayamanin flexing hermes, prada, and dior bags and shoes pero umaalingasaw naman ang baho."
NETIZENS CALL out lavish lifestyle of KIN of CONTRACTORS, AND corrupt officials
Ilang linggo nang usap-usapan online ang tungkol sa marangyang buhay ng mga anak ng opisyal ng gobyerno at private contractors na bilyun-bilyong halaga umano ang kinukurakot sa kaban ng bayan dahil sa maanomalyang flood control projects ng pamahalaan.
Kabilang sa ngayo'y binabatikos ang singer at lifestyle vlogger na si Claudine Co.
Si Claudine ay anak ni Christopher Co, co-founder ng Hi-Tone Construction and Development Corporation.
Tiyuhin naman niya si Zaldy Co, chief executive officer ng Sunwest Group of Companies.
Read: Camille Co cries foul after being tagged in "nepo baby" issue
Kabilang din ang content creator na si Jammy Cruz sa pinuputakti ngayon ng batikos.
Si Jammy ay anak ni Noel Cruz, ang general manager ng Sto. Cristo Construction and Trading Inc.
Kapwa kabilang ang mga kumpanyang pagmamay-ari ng pamilya nina Claudine at Jammy sa nangungunang 15 construction companies sa listahang inilabas ni President Ferdinand Marcos Jr. na nakakuha umano ng kontrata mula sa DPWH (Department of Public Works and Highways) para sa mga iba't ibang proyekto.
Read: Jessica Soho, pinupuri dahil sa pagtalakay sa isyu ng flood control projects
Maging ang Enciso sisters na sina Verniece at Vern ay damay rin sa galit ng netizens.
Sina Verniece at Vern ay parehong content creator na anak ng dating Bureau of Customs director na si Verne Enciso.
Read: Tax evasion, ikakaso sa mga nagbabalandra ng lavish lifestyle
At ang content creator-actress na si Gela Alonte.
Si Gela ay anak ni Biñan, Laguna Mayor Angelo "Gel" Alonte, kapatid ni dating deputy speaker at Biñan Mayor Marlyn "Len" Alonte Naguiat.
Read: Neil Arce defends Gela Alonte amid online hate on "nepo babies"
Sina Mayor Gel at Len ay mga anak ng unang Alonte na namuno sa Biñan noong 1987—si former Biñan Mayor Bayani Alonte.
Read: Gela Alonte reposts "hating me is okay" quote amid backlash
Kinukuwestiyon ngayon ng publiko ang marangyang pamumuhay na ipinakita ng mga ito sa social media.
Read: Nepo Babies, Disney Princesses puwedeng magsampa ng cyber libel