GORGY RULA
Nakorner namin si Rob Gomez sa gala night ng Rotary Club of Aseana Manila na ginanap sa Great Eastern Hotel sa Quezon City, noong Sabado, Mayo 25, 2024.
Isa siya sa ginawaran ng parangal na Person of the Year sa larangan ng entertainment, kasama sina Lhar Santiago at Direk Lauren Dyogi.
Karamihan sa bumubuo sa naturang organisasyon ay taga-Quezon kung saan doon lumaki ang aktor.
Ayon kay Rob, ang Tito Gary Estrada niya ang nagpalaki sa kanya sa farm nito sa San Antonio, Quezon.
Si Gary at ang ina ni Rob na si Kate Gomez ay magkapatid.
ROB GOMEZ AND BIANCA MANALO IN MAGPAKAILANMAN
Napangiti si Rob nang binanggit ko sa kanya na noong gabing iyon inere ang Magpakailanman episode na pinagbidahan nila ni Bianca Manalo.
Kinumusta ko ang taping nila kung nagkaroon ba ng ilangan sa taping dahil sa isyu nila noon. Nadamay si Bianca sa leaked private conversation nina Rob at Herlene Budol.
Sabi ni Rob, pinagtawanan na lang nila ni Bianca ang naturang intriga dahil hindi naman totoo.
Read: Bianca Manalo breaks silence on leaked private conversation with Rob Gomez
“Wala naman ho. From the start of the morning 'til sa gabi… pagkatapos po, everything was okay.
"We had a good laugh about it. Masaya naman. Masayang experience,” pakli ni Rob.
ROB GOMEZ ON EX SHAILA REBORTERA
Kinumusta rin namin ang dati niyang karelasyon at ina ng kanyang anak na si Shaila Rebortera. Okay na ba sila?
“Wala pa din po sa akin ang cellphone ko ngayon. Bago yung cellphone ko,” nakangiting pakli ni Rob, na ipinakita pa niya sa akin ang bago niyang cellphone.
Ang dating live-in partner ni Rob ang naglabas ng chat nito kay Herlene at nasangkot pa roon si Bianca. Nakuha iyon ni Shaila sa cellphone ni Rob.
Sabi ng Kapuso actor, hindi na raw niya iyon nabawi.
Read:
- Pagkalat ng private convo ni Rob Gomez kina Herlene Budol at Bianca Manalo, ibinibintang kay Shaila Rebortera
- Herlene Budol reacts to alleged private convo with Rob Gomez
- Pagkakadawit ni Bianca Manalo sa isyu ni Rob Gomez, makaapekto kaya sa relasyon nila ni Sen. Win Gatchalian?
- Shaila Rebortera posibleng kasuhan dahil sa pagpu-post ng mga pribadong mensahe ni Rob Gomez
Ayaw na raw sana ni Rob na buhayin pa ang isyu nila ni Shaila, pero hanggang ngayon ay hindi pa raw niya nakikita ang kanyang anak.
“Pero hindi na tayo para halungkatin pa yung nakaraan. The best thing I can do now is make a step forward, level up, move forward, and take one floor up, alam mo yun?
“God will tell whatever it is that He wants to tell,” saad ni Rob.
NOEL FERRER
Ayon kay Rob Gomez, noong December 10, 2023 pa raw niya huling nakita ang kanyang anak, pagkatapos ng birthday nito.
Pagkatapos nun ay hindi na raw siya sinasagot ni Shaila.
Isa raw ito sa pinagdadaanan niya na ayaw na lang daw niyang ipakita.
Read: Rob Gomez shares photos from daughter's baptism on Instagram
Saad niya, “I tried to reach out all the time. Mine-message ko, iwan ako message sa mga ka-work at sa mga boss.
“Lahat, lahat ng family members niya, friends niya, mine-message ko lahat. Lahat, lahat.
“Yun na nga po sana, e. I can help, you know. Like, it’s been such a loss to me. It’s a terrible thing.
“I feel such a hollow shell right now na I don’t see my daughter. It’s been a tough, tough… this is the hardest time of my life. Pero one thing I know is I have to prevail.
“I have to look like I’m okay. I have to be okay for me to be able to make the next step to whatever result I want, which is to be with my daughter.
“Kailangan ayusin ko. Kailangan magmotibo ako. Kailangan successful ako. Kailangan maganda pa rin ang tingin sa akin ng tao. Kailangan maayos pa rin ako sa buhay.
“Lahat, pinaghirapan ko lahat,” saad ni Rob.
JERRY OLEA
Scandalicious ang “kain tayo” message ni Herlene Budol para kay Rob Gomez.
Pinakinabangan iyon ng mentor ni Herlene na si Wilbert Tolentino. Pinagawan iyon ni Wilbert ng kanta.
Dapat sana’y si Herlene ang aawit ng "Kain Tayo," pero ipinaubaya na ni Herlene kay Wilbert ang pagkanta. May special participation si Herlene sa music video niyon.
Hinihintay natin kung magkakaroon pa ng sequel ang afternoon drama series na Magandang Dilag na pinangunahan nina Rob at Herlene.
Read: Novelty song "Kain Tayo" para kay Herlene Budol, napunta sa talent manager na si Wilbert Tolentino