Ipinagkibit-balikat lamang ni Derek Ramsay ang iniisyung “rigodon” sa mga nakakarelasyon nila ng kapwa aktor na si John Lloyd Cruz.
Nagsimula ito nang naging viral sa social media ang mga larawan nina Derek at Ellen Adarna sa dinner party na ginanap sa bahay ni Derek sa Ayala Alabang noong January 11, Lunes.
Mga kuha iyon ng kasama rin nila sa dinner na si Ruffa Gutierrez, na siyang nag-upload ng mga larawan nina Derek at Ellen sa social media.
Kabilang dito ang pagtititigan nina Derek at Ellen, at tila paghalik pa ng Kapuso actor sa ulo ng aktres.
Kasama rin sa dinner na iyon ang matalik na kaibigan ni Derek na si John Estrada at iba pang mga kaibigan.
Agad na nabigyan ng kulay ang closeness na nakita kina Derek at Ellen na lalo pang pinatingkad ng tila panunukso ni Ruffa sa dalawa.
Sa comments section ng mga post ni Ruffa, nag-react ang mga netizen at may mga nanunudyo pang tila nagririgidon ng mga naging karelasyon sina Derek at John Lloyd.
Ang dalawang aktor ay parehong naging kasintahan ang Kapamilya actress na si Angelica Panganiban.
Naging karelasyon din ni John Lloyd si Ruffa, na kasama nina Derek at Ellen sa party.
Samantalang alam naman ng lahat na may si John Lloyd kay Ellen, na pilit inuugnay ngayon kay Derek.
Sa eksklusibong interview ng PEP.ph (Philippine Entertainment Portal) kay Derek sa pamamagitan ng Zoom noong Biyernes, January 15, hiningan namin siya ng reaksiyon tungkol sa sinasabing “rigodon” umano ng mga nakakarelasyon nila ni John Lloyd.
Tugon ng Kapuso hunk, "Ano ba ang dapat kong sabihin sa mga ganun? Hindi naman pumapasok sa isip ko yung mga ganung klaseng bagay, sila [netizens] lang nag-iisip ng mga ganyan.
“Ang tagal na namin ni Angelica na magkahiwalay. Hindi ako nakikialam sa relationship ni Angelica at ni John Lloyd, or relationship ni Ellen at ni John Lloyd, or ni Ruffa.
“That's their business. Walang pumapasok na ganyan sa utak ko na mga ganyan.
“When they mentioned that nga to me, parang natawa na lang ako na, ‘Wow! Pinagdidikit-dikit ba ng mga tao ang ganyang klase ng mga bagay?”
Diin ni Derek, “All we had was a dinner, we had a fun night.
“Gaya ng sinasabi ko sa iyo, people have their right to express their own opinion, but I really don't know how to react or say sa mga bagay na ganyan na pinagdidikit o nagpapalit-partners lang kami.
“Hindi naman kami ganyang klase ng tao.”
THE POSSIBILITY
Pero may posibilidad kayang mahulog ang loob niya kay Ellen, lalo't mukha naman silang magkasundo at nagdya-jive ang mga ugali nila.
At ang importante, sa pagkakaalam ng publiko, ay pareho silang single ngayon.
Kabi-break lang ni Derek sa Kapuso actress na si Andrea Torres, habang wala nang balita tungkol sa Spanish guy na naugnay kay Ellen noong 2020.
Saad ni Derek, “Kami ni Ellen, we are the same in so many ways.
“Hindi kami takot na ipakita ang nararamdaman namin o ipakita ang naiisip namin.
“We really enjoy each other's company. The same with Ruffa, lahat kami ganun ang ugali, pati si John.
“That night we really, really enjoyed, and maybe people thought that way, na pure and real yung samahan na naganap nung gabing yun.
“It was lots of fun… sayawan, kantahan. I think that's why may mga comments na ganyan.”
Sa puntong ito ay humingi ng paumanhin si Derek sa female celebrities na pilit iniuugnay sa kanya pagkatapos ng breakup nila ni Andrea.
Kabilang na rito ang singer na si Pops Fernandez, ang aktres na si Bea Alonzo, at isang influencer.
Pahayag ni Derek, “Pero at the same time, gusto ko ring mag-sorry sa lahat ng mga nadadamay.
“Kay Pops, na nabuntis daw si Pops.
“Si Bea, I haven't seen Bea, huli nung premiere night ng pelikula namin. I think that was two years ago.
“Nagpa-picture ako sa isang influencer, yun naman daw ang babae ko.
“Ang daming inosenteng tao na walang kinalaman sa breakup namin, and here they are nadadawit pa sa breakup.
“Gusto kong mag-apologize sa kanila—to Ellen, to Bea, to Ruffa, to Pops… wala silang kinalaman sa nangyari sa amin ni Andrea.”
NOT READY FOR ANOTHER RELATIONSHIP
Ayon kay Derek, sa ngayon ay hindi pa siya handang pumasok sa panibagong relasyon.
"No, I don't want a relationship right now. Being in a relationship is the last thing that I want.
“But like I've always said, we're always going to love again, that's human nature, that's how we are.
“Mangyayari na lang ‘yan, ayokong maghanap.”
Ipinagtanggol din ni Derek ang sarili sa mga nanghuhusga sa kanya dahil sa failed relationships niya.
Aniya, “The bashers don't seem to understand that, ginagamit ko daw ang mga babae, di ko sila nirerespeto.
“People think na wala akong feelings.
“Ang sagot ko sa kanila, they don't know me, and that's bullshit, sorry guys.
“To all the bashers, that kind of thinking is a bullshit.
“I grew up with a beautiful mom and three sisters. I have high respect for women.
“And sana marinig ninyo na lang sa bibig ng mga babae na minahal ko kung talagang nambabastos ba ako ng babae.”
HOW BREAKUP WITH ANDREA AFFECTED HIM
Ibinahagi rin ni Derek ang mabigat niyang pinagdaanan dahil sa breakup nila ni Andrea.
“Hindi nila alam, it took a lot out of me… masakit sa akin yun, sobra.
“Talagang naging lutang ako for a while, ‘Anong nangyari?’ Talagang napakabigla.
“Usually pag relationship, may build up yun na mararamdaman mo na papunta na dun sa hiwalayan. Things happened so abruptly.
“I was confused and lutang for a while, but now I'm good.
“I'm happy, I'm settled. I'm enjoying my life with friends and family, my alone time, and I am spending my time with my son.”
Si Derek ay may 17 anyos na anak, si Austin, mula sa kanyang dating asawa na si Mary Christine Jolly.
Dagdag niya, “I'm back to be motivated with life again.
“There were some brief moments na talagang down ako.
“Everything is so perfect in my eyes. I thought everything is going smooth.
“One of those situations na no one to blame. We're both good people pero di lang talaga nauwi sa happy ending.”
Mensahe pa ni Derek para sa ex-girlfriend: “I wish Andrea the best and her family the best.
“Siyempre fresh pa, but I'm giving each other space.”
NOT THE MARRYING TYPE?
Ayon din kay Derek, walang katotohanan ang paulit-ulit na ibinibintang sa kanyang wala raw siya talang balak magpakasal.
“Relationships, sometimes they end, sometimes they last forever.
“Relationships teach you a lot of things to find that one true person. It's more of getting to know.
“Marriage is supposed to be forever, and when I get married, I wanna make sure that I have the right person that I will spend the rest of my life with, to start my family.
“Guys, sometimes things don't work out, huwag ninyong pilitin.
“I think you should show more respect kung maaga pa lang, maging honest ka na sa sarili mo things aren't working.
“It doesn't mean na hindi kami nag-try, we did, but masama kung pipilitin mo talaga.”
Diin niya, “Gusto kong magpakasal, gusto kong magkapamilya. I just want to be with the right person.
“Pag sinabi ko ‘yan, ang sama ko raw. ‘How can you say she's not the right person?’
“I'm not insulting the person, it's just we're not meant for each other.
“I'm not insulting Andrea or my exes...”
May balitang isang bilyonaryong businessman na nagngangalang James Richman ang nanliligaw raw ngayon kay Andrea. Ano ang reaksiyon dito ni Derek?
“I don't know, but good for her,” sambit niya.
“I told you, we will all love again. And if she's ready again, if she's ready for that, suportahan natin siya diyan, let's not judge her.
“Kung may manliligaw siya, she has every right to entertain that.
“It doesn't mean she's a bad person, let her be happy. She deserves to be happy.
“Time is precious, we shouldn't waste time. People handle certain situations in different ways.
“If Andrea is ready for another relationship, I'll be happy for her. There will be no ill thoughts against her or I won't judge her.
“Like I've said, we all move on.
“Hindi ako ipokrito, ayokong sabihin, ‘Wow! Ang sama naman niya, agad-agad,’ or something like that.
“Because I myself believe that we all love again, and we don't know when it's going to happen.
“And if it will happen ten years down the road or if it happens tomorrow, so be it.
“If it's true na may manliligaw siya, I'm happy for her and I hope he's the right guy for her.”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika