Hindi pa rinmakapaniwala si Phoebe Walker sa alegasyong pananakit diumano ni Kit Thompson sa kasintahang si Ana Jalandoni.
Naganap ang insidente habang naka-check-in sina Kit at Ana sa isang hotel sa Tagaytay noong umaga ng Biyernes, March 18, 2022.
Naaresto si Kit at na-detain nang buong weekend sa Tagaytay Police Station dahil nagkataong Biyernes nang siya ay ma-inquest at hindi na mai-report sa korte ang reklamong paglabag sa Violence Against Women and Children Act na isinampa sa kanya.
Read: Sexy star Ana Jalandoni rescued by Tagaytay police after alleged assault by boyfriend Kit Thompson
Nakapanayam ng PEP.ph (Philippine Entertainment Portal) si Phoebe sa PDEA advocacy presscon at red-carpet soft opening ng pelikulang The Buy Bust Queen sa One Sky Theater, sa One Mall sa Valenzuela City, Miyerkules ng gabi, March 23.
Si Phoebe ay aktres na napanood bilang supporting cast member sa mga pelikulang Seklusyon (2016), To Love Somebody (2018), at More Than Blue (2021).
Si Ana ay Viva artist na nagprodyus ng erotic-thriller movie na Manipula na pinagbidahan nila ni Aljur Abrenica.
Si Kit ay ex-Pinoy Big Brother housemate na napapanood sa mga teleserye ng ABS-CBN at sa iba-ibang pelikula.
Ayon kay Phoebe, hindi niya kinakitaan ng anumang tendency si Kit na maaari itong makapanakit ng ibang tao.
"Nagkasabay kami sa Probinsyano. I only met her one time. One time ko lang siya na-meet," tukoy ni Phoebe sa sexy star na si Ana.
"But si Kit Thompson talaga ang nakasama ko sa MMK, so I know Kit very well," dagdag niya.
Ang FPJ's Ang Probinsyano ay prime-time series na pinagbibidahan ni Coco Martin, habang ang MMK o Maalaala Mo Kaya ay ang longest-running drama anthology sa Kapamilya Channel.
Tingin ni Phoebe, may malalim na dahilan kung anuman ang pinanggalingan ng alitan ng magkasintahan.
Patuloy ni Phoebe sa nangyari kina Kit at Phoebe, "I feel bad about what happened kasi kilala ko si Kit, wala siyang ganung personality at all.
"There must have been something that triggered him to have done it, but I don't know... Sariling personal nila yun."
PHOEBE: NO EXCUSE FOR HURTING A WOMAN
Kumambiyo naman si Phoebe, at nilinaw na anuman ang rason ay mali pa ring saktan ng isang lalake ang isang babae.
"You know, whatever reason it was, I don't think it's allowed yung ganung pananakit ng mga babae whatever the reason was.
"Ang lalake mas malakas talaga iyan sa babae. An option [would be] just walk away. Mas maganda kung ganun na lang siguro ang nangyari.
"But I don't wanna judge kasi I don't know what happened between them."
Read: Kit Thompson, nakapagpiyansa na; Ana Jalandoni, pursigidong magsampa ng kaso
Tinanong din si Phoebe kung magdedemanda ba siya kung nalagay siya sa parehong sitwasyon na nasaktan siya nang pisikal ng karelasyon niya.
Tugon niya, "Siguro I will file a case, pero depende, e. Depende kung ano ang behind the story.
"If he's my boyfriend, I would probably walk away from the relationship.
"But to file a case, depende sa extent ng nangyari sa akin. If I am traumatized by it, then I would probably go deeper and file a case probably."
PHOEBE'S FIRST LEAD ROLE IN A MOVIE
Bida sa pelikulang The Buy Bust Queen si Phoebe, na nagsimula sa paggawa ng supporting roles.
Masaya pero nakaramdam din ng kaba ang aktres dahil ito ang maituturing na kauna-unahang pelikula kung saan siya ang bida.
"Sobrang proud ko, so happy na nabibigyan ako ng ganitong chance because kaunti lang yung action films na yung mga babae nakaka-action. I'm so glad na isa ako sa napipili for that.
"May pressure rin sa akin. I always have to be in tip-top shape. Kailangan tama ang gawa ko sa mga eksena."
Siniguro naman ng Viva artist na kahit nagbida na siya ay patuloy pa rin siyang tatanggap ng supporting roles.
"Ay, oo naman, I mean nagsimula ako sa extra. Talagang I really appreciate my journey. Kahit support tatanggapin ko.
"Hindi ako namimili ng roles. I'm just happy to be working and continue working lalo na pandemic."
NO TO ILLEGAL DRUGS
Dahil ang tinatalakay sa The Buy Bust Queen ay tungkol sa droga, na talamak din sa mundo ng show business, paano iniiwasan ni Phoebe ang tukso nito?
"Kasi alam ko na walang magandang maidudulot ano," aniya.
"But of course, I hear it, like, mga accounts from my friends or mga kakilala ko na may mga kakilala na ginagawa nila.
"What's the point kung ikakasira ng buhay ko? Lalo na I tied up with PDEA, kailangan isapuso ko ang advocacy nila."
May dalawa pang proyekto na pinagkakaabalahan ngayon si Phoebe.
Aniya, "Yes, I have an episode sa Dear God showing in KTX. Also, we have a movie coming out din, horror uli under Idea First directed by Direk Perci Intalan."
Read related stories:
- Kit Thompson alleged assault of girlfriend Ana Jalandoni caused by jealousy, says police
- Ana Jalandoni posts cryptic message amid assault allegation against boyfriend Kit Thompson
- Kit Thompson in Tagaytay police custody; his girlfriend treated for injuries
- Kit Thompson’s camp releases statement about Tagaytay incident
- Gabriela, naglabas ng statement tungkol sa pananakit umano ni Kit Thompson kay Ana Jalandoni