Sinibak na sa puwesto ang dalawang pulis mula sa Quezon City Police District (QCPD) na sangkot sa pagpapakalat sa sensitibong video kaugnay ng pagkamatay ng beteranong aktor na si Ronaldo Valdez.
Sumakabilang-buhay si Ronaldo noong Linggo, Disyembre 17, 2023.
Read: Veteran actor Ronaldo Valdez dies at 77
Sa gitna ng pagluluksa ng pamilya at mga kasamahan sa showbiz industry ni Ronaldo, kumalat sa social media ang video ng pagresponde ng awtoridad sa bahay mismo ng aktor sa Quezon City.
Read: Sensitibong video ni Ronaldo Valdez kumakalat sa social media
Maraming netizens ang naalarma sa naturang video dahil sa paglapastangan sa alaala ni Ronaldo.
Read: QCPD: Ronaldo Valdez found with gunshot wound
Nitong Miyerkules, December 20, 2023, nagbigay ng pahayag ang Philippine National Police sa pangunguna ni PNP acting chief PIO Colonel Jean Fajardo para ianunsiyo sa publiko na sinibak na sa puwesto ang dalawang unang pulis na rumesponde kay Ronaldo at responsibilidad sa pagkalat ng video.
"Kausap ko kanina si District Director at ni-relieve na po niya yung first responder at kanyang station commander para tingnan ang liability," pahayag ni Fajardo sa isinagawang press briefing, ayon sa ulat ng GMA News.
Read: Ronaldo Valdez's talent manager cries foul over unauthorized release of late actor's sensitive video
Ayon pa kay Fajardo, nasa kustodiya na ng QCPD holding unit ang dalawang pulis habang isinasagawa ang imbestigasyon.
Maaari silang maharap sa reklamong administratibo at kriminal dahil sa pagpapakalat ng video.
Saad ni Fajardo, "This is a regrettable incident na hindi dapat kumalat sa social media.
"Kung ito ay kuha ng ating first police responders for documentation purposes, wala po sanang naging problema."
Read: QCPD says Ronaldo Valdez's death still under investigation
Sinabi rin ni Fajardo na nakikipag-ugnayan na ang QCPD sa PNP Anti-Cybercrime Group (ACG) para matukoy ang mga netizen na nagbahagi ng video sa social media.
Aniya, "I don't want to preempt the ongoing investigation but suffice it to say na nasabi ng district director ng QCPD na they are coordinating with ACG to identify kung sino yung mga nag-share ng videong ito."
RELATED STORIES:
- Janno Gibbs pays tribute to late dad Ronaldo Valdez
- Burol para sa mga labi ng veteran actor na si Ronaldo Valdez nagsimula na
- Kathryn Bernardo, Dimples Romana, Gary Valenciano, other celebs mourn death of veteran actor Ronaldo Valdez
- Yayo Aguila recalls last conversation with Ronaldo Valdez
- Netizens flock to Melissa Gibbs’ last IG post with dad Ronaldo Valdez
- John Estrada, Jake Cuenca, Sherilyn Reyes fondly remember Ronaldo Valdez