No comment ang PBA player na si Ricci Rivero sa kontrobersiyang kinasasangkutan ngayon ng ex-girlfriend na si Andrea Brillantes.
Si Andrea ang itinuturong third party sa breakup ng dating magkasintahang sina Daniel Padilla at Kathryn Bernardo.
Sa panayam ng ilang piling entertainment reporters kay Ricci sa 3rd anniversary party ng Zion Philippines sa Solaire Resort and Casino, noong Biyernes, January 12, 2024, hiningan siya ng reaksiyon tungkol sa pagkakadawit ni Andrea sa hiwalayang KathNiel.
Read: End of KathNiel Era: A timeline of their generation's hottest box-office love team
"Any comment, wala po," mabilis na iwas ni Ricci.
Paliwanag niya, simula pa noong una ay wala na siyang ibang hangad kundi ang katahimikan sa buhay nila ni Andrea matapos nilang maghiwalay.
Read: Andrea Brillantes and Ricci Rivero relationship timeline
Pahayag ni Ricci, "Actually, from the very start, I just wanted peace for everyone.
"Ako, gusto ko lang [na yung] family ko masaya. I'm very lucky to be happy as well, both career [and] relationship ngayon.
"Wala naman [akong] anything against kahit sino.
"Kaya lang naman ako nagsalita before just for the sake... for people to hear my side."
@pepalerts #RicciRivero: “I just want peace for every one.” #PEPNews #NewsPH #EntertainmentNewsPH #ZionAt3 ? original sound - PEP.ph
Read: Ricci Rivero slams basher wishing death for his entire family
Naging kontrobersiyal din noon ang breakup nina Ricci at Andrea nang madawit ang pangalan ni Los Baños Laguna councilor Leren Mae Bautista, na siyang itinurong third party sa relasyon nina Ricci at Andrea.
Mabilis pinabulaanan ni Leren na siya ang dahilan sa hiwalayan ng dalawa, hanggang noong October 21, 2023, tuluyan nang isinapubliko ni Ricci na kasintahan na niya si Leren.
Ngunit paglilinaw niya noon, wala na sila ni Andrea nang maging sila ng dating beauty queen.
Read: Ricci Rivero finally admits relationship with Leren Mae Bautista
RICCI'S LESSON FROM HIS PAST RELATIONSHIP
Katakut-takot na batikos ang ipinukol noon ng publiko kina Ricci at Leren.
Ani Ricci, marami siyang natutunan sa relasyon nila noon ni Andrea na hindi na niya maaatim na mangyari pa ngayon sa relasyon nila ni Leren.
Dahil sa kanilang pinagdaanan, napagkasunduan daw nila ni Leren na gawing mas pribado ang relasyon nila para hindi na maulit pang pagpiyestahan sila online.
Read: Ricci Rivero's "time is the ultimate truth teller" post resurfaces following KathNiel split:
Samantala, hindi rin nakaligtas si Ricci sa tanong kung si Leren na ba ang nakikita niyang huling babaeng mamahalin niya.
Sagot ng binata, "I hope so.
"Lahat naman po tayo ayun yung gusto kaya tayo pumapasok sa relationship is for the future.
"Kaya I hope so. Hindi po natin alam, pero step by step po."
Read: Leren Mae Bautista explains laundry Christmas tree post; feels vindicated?