Aminado si Miss Universe 2018 Catriona Gray na maging siya ay nagulat at nalungkot sa hindi pagpasok sa Top 12 ng pambato ng Pilipinas na si Chelsea Manalo sa katatapos lang na Miss Universe 2024.
Ginanap ang 73rd edition ng Miss Universe sa Mexico City Arena (Arena CDMX), Mexico noong November 17, 2024 (Philippine time).
Read: Chelsea Manalo fails to enter Top 12 of Miss Universe 2024
Dito ay nagpasiklaban ang mahigit sa 120 kandidata mula sa iba't ibang bansa, kabilang na ang kumatawan sa Pilipinas na si Chelsea.
Matapos na mapabilang sa Top 30 ay bigo naman siyang makapasok sa Top 12 na daan sana para makapagtuloy siya sa kompetisyon.
Read: Chelsea Manalo advances to Miss Universe 2024 Top 30
CATRIONA GRAY FEELS SAD OVER CHELSEA MANALO'S LOSS
Sa ginanap na Legacy Ball ni Catriona para sa kanyang fundraising event nitong Biyernes, November 22, nahingan siya ng reaksiyon ng ilang present na entertainment press kabilang na ang PEP.ph (Phillippine Entertainment Portal) sa hindi pagpasok ni Chelsea sa Top 12.
Read: Catriona Gray optimistic about Chelsea Manalo's MU 2024 bid
Pag-amin ng Miss Universe titleholder, nagulat at nalungkot siya nang malamang hindi nakaabante si Chelsea sa Top 12, gayong nag-stand out naman daw ito sa swimsuit competition round.
Read: Nigeria’s controversy prior to Miss Universe 1st runner-up finish
Kumpiyansa si Catriona sa naging performance ni Chelsea dahil nakita niya ito nang malapitan sa stage.
Si Catriona kasi ang isa sa backstage correspondents sa nasabing kompetisyon.
Aniya: "I'm so sad. Kasi noong in-announce sila [yung Top 12], I was getting changed so I actually didn't hear who was in the Top 12.
"Noong pumasok pa ako sa hit, that's when they were...there's a very short hit pa then they cut it down to a quarter 'cause of the time constraint.
"So I didn't even know who was in Top 12. And then after when I was asking, 'Who made it?' then [they said], 'Philippines didn't make it.'
"I really felt [sad] kasi sobrang lakas nung swimsuit performance niya. Mas malakas yung finals niya for me kaysa sa prelims."
Read: Miss Denmark wins Miss Universe 2024
Hindi raw maintindihan ni Catriona kung saan nagkulang ang pambato ng Pilipinas sa ipinakita nitong performance sa grand coronation night.
Ganun pa man, iginagalang daw niya ang desisyon ng judges na hindi isama si Chelsea sa Top 12.
Saad niya, "I think she performed great, so if you are asking me as a judge, she would have been an easy Top 12 pick.
"But it's in the judges' hands na nga, e."
Read: Vice Ganda, netizens resort to humor after Chelsea Manalo's loss
Catriona proud of chelsea's achievements
Hindi man naiuwi ni Chelsea ang ikalima sanang Miss Universe crown sa bansa, ipinagmamalaki raw ni Catriona ang ginawa nito para muling ipakita ang galing at ganda ng Filipina sa international stage.
Pahayag ni Catriona: "But I'm really proud of her. She stayed really true to herself this whole journey.
"And I think the pressure being put on a Miss Universe Philippines is one of a kind, especially for someone as young as her.
"I think she carried herself with a lot of grace and authenticity. I don't feel she ever changed herself and I really admire that.
"I hope that she's feeling proud of her achievements as well."
Read: MUPh condemns pageant vlogger's comments vs Chelsea Manalo
CHELSEA WINS FIRST MISS UNIVERSE ASIA TITLE
Samantala, nabigo mang makuha ni Chelsea ang titulo't korona sa Miss Universe 2024 ay may mauuwi pa rin siyang parangal para sa bansa.
Si Chelsea kasi ang itinanghal na kauna-unahang Miss Universe Asia sa kasaysayan ng prestigious pageant.
Read: Chelsea Manalo named first Miss Universe Asia
Ito'y matapos magdesisyon ang pamunuan ng Miss Universe na magkaroon ng continental queens, bukod pa ito sa nanalong Miss Universe at runners up.
Sa post-pageant press conference nitong Linggo, November 17, 2024, sa Mexico, kunsaan din ginanap ang grand coronation night ay opisyal na kinilala si Chelsea bilang kasama sa apat na continental queens.
Read: Details of Chelsea Manalo's Miss Universe 2024 finals evening gown
Mismong si Anne Jakrajutatip, ang Thai transgender businesswoman na nagmamay-ari ngayon ng Miss Universe Organization, ang naggawad ng Miss Universe Asia title kay Chelsea.
Bagay na ipinagpapasalamat naman ni Chelsea, base sa video na in-upload ng Miss Universe Philippines sa Instagram.
"Hello, maraming salamat. Mabuhay ang Pilipinas! We are making history as first Miss Universe Asia," nakangiting pag-aanunsyo ni Chelsea.
Sa hiwalay na Instagram post ng Miss Universe Philippines, makikita rin ang ilang larawan ni Chelsea habang siya ay sinasabitan ng sash kasama ang tatlo pang hinirang na continental queens.
Sila ay sina Miss Peru bilang Miss Universe Americas; Miss Nigeria bilang Miss Universe Africa and Oceania; at si Miss Finland bilang Miss Universe Europe and Middle East.
Dahil sa pagkakahihirang kay Chelsea na Miss Universe Asia, nakatakda niyang bisitahin ang buong Asya kung saan magkakaroon ng official trips ang Miss Universe Organization.
READ RELATED STORIES:
- Chelsea Manalo enchants in her Manny Halasan evening gown
- Details of Chelsea Manalo's Miss Universe 2024 national costume
- Chelsea Manalo and Angelica Lopez, stunning in pageant OOTDs
- Chelsea Manalo transforms into Disney's Princess Tiana
- Chelsea Manalo grateful sa advice ng former beauty queens
- Chelsea Manalo, emotional sa kanyang homecoming sa Bulacan
- Christi McGarry to Chelsea Manalo: “Make us proud."
- Chelsea Manalo dedicates MUPH 2024 crown to parents
- Miss Universe PH 2024 Chelsea Manalo, nag-react sa memes