Ibinasura ng Office of the City Prosecutor ng Makati ang reklamong cyber libel, cyber unjust vexation, at gender-based online sexual harassment na inihain ng aktres na si Jasmine Curtis-Smith laban sa abogadong si Ferdinand Topacio.
Kaugnay ito sa umano'y "derogatory" o nakakainsulto at mapanirang pahayag na binitiwan ni Topacio laban kay Jasmine sa programa nitong Yes… Yes… Yo! Topacio.
Sa joint resolution na may petsang July 1, 2026, inirekomenda ni Assistant City Prosecutor Eilleen Abigail Piñera ang pagbasura sa tatlong reklamong inihain ni Jasmine.
Kulang umano ang ebidensyang mag-uugnay kay Topacio sa mga paglabag na inaakusa sa kanya.
Bahagi ng nakasaad sa resolusyon: “At most, the allegations remain unsubstantiated, as the complainant failed to present competent proof demonstrating how the respondent's specific actuations crossed the threshold from mere offensiveness or disagreement into conduct intended or likely to cause the kind of mental, emotional, or psychological distress and reputational injury contemplated by the law on gender-based online sexual harassment.
"Wherefore, premises considered, it is respectfully recommended that the complaints for cyber libel, cyber unjust vexation, and gender-based online sexual harassment be dismissed for lack of prima facie evidence with reasonable certainty of conviction."
Atty. Topacio Releases Statement After Case Dismissal
Noong Miyerkules, July 15, naglabas ng pahayag si Topacio matapos maibasura ang reklamong isinampa laban sa kanya ni Jasmine.
Read: Bea Alonzo's 2021 tarot prediction resurfaces after wedding
Umaasa si Topacio na tuluyan nang matapos ang isyu, na aniya ay may kaugnayan sa paggamit niya ng "free speech" na protektado raw ng Konstitusyon.
“I hope this will be the end to the issue regarding what I believe to be constitutionally-protected free speech.
"I take this opportunity to reiterate my stand that libel should be decriminalized, as penal laws deterring and punishing free expression have no place in a democratic society."
Read: Guests at Bea Alonzo and Vincent Co’s intimate civil wedding
Ayon kay Topacio, wala umanong personal na motibo ang kanyang naging pahayag tungkol kay Jasmine.
Saad niya, "My pronouncements pertaining to Ms. Curtis-Smith are nothing personal, but merely part of a robust debate in which she has also, time and again, participated as a citizen of this country."
JASMINE FILES CASE VS. TOPACIO
Unang naghain ng reklamo si Jasmine laban kay Topacio noong March 6, matapos siyang tahasang banggitin at batikusin ng abogado nang ipagtanggol nito si Quezon City Fourth District Representative Jesus "Bong" Suntay.
Noong March 3, sa pagdinig sa ikatlong impeachment complaint laban kay Vice President Sara Duterte, iginiit ni Suntay na walang sedition o political destabilization sa naging pahayag ng bise presidente tungkol sa pagiging "designated survivor" nito.
Pagtatanggol pa ng kongresista, bahagi lamang ito ng imahinasyon ni VP Duterte at hindi dapat kasuhan.
Bilang halimbawa, ibinahagi ni Suntay ang insidente kung saan nakita niya umano ang nakatatandang kapatid ni Jasmine na si Anne Curtis sa isang hotel.
Read: Celebrities call out Bong Suntay over remarks about Anne Curtis
Ayon kay Suntay, dahil sa kagandahan ni Anne, naramdaman daw niyang may "nag-init" sa damdamin niya at "na-imagine kung ano ang puwedeng mangyari."
Ngunit depensa ng kongresista, gaya ni VP Duterte, hindi siya puwedeng kasuhan dahil “imagination” lamang umano ito.
Read: Bong Suntay found guilty of improper remarks about Anne Curtis
Kalaunan, ikinatuwiran ni Suntay sa isang panayam na hindi totoo ang senaryong binanggit niya tungkol kay Anne.
Read: Bong Suntay apologizes; insists there was no "malice intended"
Sa katunayan, hindi pa raw niya nakikita sa personal ang TV host-actress.
Ang mga pahayag na ito ni Suntay ay pinanigan ni Topacio.
Read: Asawa ni Bong Suntay, nag-apologize kay Anne Curtis
Noong March 5, sa kanyang programang Yes… Yes… Yo! Topacio, iginiit ng abogado na walang mali sa mga sinabi ng kongresista tungkol kay Anne.
Sa naturang episode, binanggit din niya si Jasmine, na noon ay hayagang kumondena sa mga naging pahayag ni Suntay kay Anne.
Read: Anne Curtis’ mother, sister condemn Rep. Suntay's lewd remarks
Pahayag ni Topacio: "Ayan yung kapatid na bumanat pa, si Jasmine Curtis na parang binabatikos daw yung kapatid niya, hindi raw tama.
"Kayong mga artista ha, yung mga ganyan, ikaw, Jasmine, bakit ka nagpo-post ng mga bikini pictures mo sa social media?
"Para ikaw ay sumikat? Huwag mong sabihing art yon. Huwag mong sabihing ini-endorse mo yung brand ng bikini o yung resort.
"Hindi kami mga ungas dito para maniwala sa iyo."
Read: Jasmine calls out journalists for “laughing” in Suntay interview
Samantala, habang isinusulat ang artikulong ito ay wala pang inilalabas na pahayag si Jasmine kaugnay ng pagkakabasura sa reklamong isinampa niya laban kay Topacio.