GORGY RULA
Maganda ring bigyan natin ng pagpupugay ang local actors na tumatayong ama sa anak ng kasalukuyan nilang partner sa dating karelasyon nito.
Nagagawa pa nilang paglapitin ang kani-kanilang anak kahit hindi naman sila buong magkakapatid.
Nakikita natin kung paano alagaan ni Derek Ramsay si Elias, anak ng asawa niyang si Ellen Adarna sa dati nitong karelasyong si John Lloyd Cruz.
Pero hindi inaagaw ni Derek ang responsibilidad ng tunay na ama ni Elias na si John Lloyd. Walang isyu sa dalawang aktor kahit si Derek ang tumatayong ama sa kanilang tahanan dahil nasa poder ni Ellen si Elias.
Read: Derek Ramsay on Elias: "I adore this boy."
Ganundin si Dennis Trillo sa anak ni Jennylyn Mercado kay Patrick Garcia na si Alex Jazz.
Read: PEP SCOOP: Patrick Garcia hugs his son for the first time!
Magsi-16 years old na si Jazz, sabi ni Jennylyn, pero ang tumatayo raw kuya ay si Calix na panganay na anak ni Dennis kay Carlene Aguilar.
Hindi naman magkapatid by blood sina Calix at Jazz, di ba?
Read: Dennis Trillo swells with pride over his blended family
Kuwento ni Jennylyn sa nakaraang media conference ng comeback teleserye niyang Love. Die. Repeat., parang magkapatid talaga ang turingan nina Calix at Jazz.
Seventeen years old na si Calix, at ito raw ang tumatayong kuya kina Jazz at Dylan.
“Nakakatuwa. Si Calix ay very kuya sa lahat.
“Yung [bonding] ng dalawang boys, video games. Si Kuya Calix ano siya, e, kung ano yung trip ni Jazz, yun yung sasakyan niya.
"Very kuya nga, e. Inaalagaan niya si Jazz, inaalagaan niya si Dylan, nakakatuwa,” saad ni Jennylyn.
View this post on Instagram
Pero hindi nga lang sila nag-uusap ni Patrick, at iniiwasan na niya itong pag-usapan. Pero sila raw ni Carlene ay madalas nag-uusap.
Sabi ni Jennylyn, “Hindi kami nagkausap ni Pat, e. Medyo matagal na. Si Carlene, yung palagi kong kausap.”
Bakit kaya, Sir Noel? May isyu ba sina Jennylyn at Patrick?
Proud si Jennylyn kay Dennis dahil talagang siya na rin ang tumatayong ama sa lahat ng bagets, lalo na sa anak nilang si Dylan.
“Hindi ko rin in-expect na ka-level ko yung pagka-hands on niya. Kunwari galing ng taping, 1:00 a.m. umuwi ng bahay, hindi na yun matutulog.
“Siya yung night shift. Ever since ganun kami simula nung newborn si Dylan. Talagang hindi siya matutulog.
"Hintayin niya akong magising, tapos ako naman. Patulugin ko na siya."
Tapos na si Dennis sa Love Before Sunrise, kaya siya ang mas nakatutok ngayon sa kanilang tahanan.
Abala naman si Jennylyn sa promo ng Love. Die. Repeat. nila ni Xian Lim na magsisimula na sa GMA Prime sa January 15, pagkatapos ng Black Rider.
NOEL FERRER
“Papa” naman ang tawag ni Elijah kay Joem Bascon.
Si Elijah ay anak ni Meryll Soriano sa dati nitong asawa na si Bernard Palanca.
Pero nilinaw ni Joem na si Bernard pa rin ang kinikilalang ama ni Eli, at si Joem yung "lalaki-figure" sa bahay dahil magkakasama sila.
Read: Meryll Soriano happy to see close bonding between son Elijah and partner Joem Bascon
“Tawag niya sa akin, Papa. Pero siyempre, the responsibility is with Bernard.
"Iyon yung hindi ko inaano yun… yung nag-i-step sa boundaries na yun,” pakli ni Joem sa media conference ng bagong drama series nito sa GMA-7 na Asawa ng Asawa Ko, na sa January 15 na rin magsisimula pagkatapos ng Love. Die. Repeat.
Sabi pa ni Joem, “Ako, yung kung ano yung kailangan ni Eli sa house, kung ano yung pangangailangan na… kailangan niyang advice, sa basketball…
“Now, kasi magkasama kami ni Meme, basically ako yung nakikita niyang lalaki figure sa bahay. Pero siyempre yung father niya, nakakausap naman niya si Bernard.
“Sixteen years old na si Eli, e. Madami-dami na ring alam niya sa buhay.”
Si Eli naman daw ang mapag-alagang kuya sa anak nila ni Meryll na si Gido.
View this post on Instagram
As for Patrick and Jen, tikom si Patrick tungkol sa bagay na ito. Ayaw niyang nadawit ang mga bata sa showbiz projects na prinu-promote, pero may effort siyang makasama ang anak na gusto niya sanang mangyari.
Isang malaking SANA.
JERRY OLEA
Nakaka-good vibes ang mga ganitong blended family.
Nakita natin iyan sa kaso nina Pops Fernandez at Martin Nievera.
Ganoon din kina Jodi Sta. Maria, Pampi Lacson, at Iwa Moto.
Ganyan din sa mga anak nina Dolphy, Eddie Gutierrez, Ramon Revilla, Joseph Estrada, Fernando Poe Jr., at Lou Salvador Sr., di ba?