Hanggang ngayon ay mainit pa ring usap-usapan sa social media ang mga rebelasyon ng aktres na si Liza Soberano sa YouTube vlog ng kapwa niya aktres na si Bea Alonzo.
Dito kasi ay pinatotohanan ni Liza ang nauna nang ibinunyag ng Star Cinema managing director and film director na si Olive Lamasan.
Sa interview ni Lamasan noong October 2021, sinabi nitong sina Liza at Enrique ang unang napiling bumida sa 2019 mega-blockbuster film na Hello, Love, Goodbye, bago ito napunta kina Kathryn Bernardo at Alden Richards.
Ang Hello, Love, Goodbye ang unang beses nagtambal ang Kapamilya star na si Kathryn at ng Kapuso star na si Alden sa kabila ng kanilang sari-sariling love teams at magkalabang TV networks.
Ka-love team ni Kathryn si Daniel Padilla, habang si Maine Mendoza naman ang kilalang ka-love team ni Alden.
Sa Hello, Love, Goodbye, gumanap sila bilang sina Joy (Kathryn) at Ethan (Alden) na kapwa OFW sa Hong Kong.
Ang pelikulang itong idinirek ni Cathy Garcia-Molina ang kasalukuyang may hawak ng record bilang highest-grossing local film.
Nakapagtala ito ng box-office gross na PHP880.6 million.
Read: TOTOO BA: LizQuen was first choice in Hello, Love, Goodbye?
LIZA SOBERANO ON HELLO, LOVE, GOODBYE
Sa vlog ni Bea, tinanong nito si Liza patungkol sa kanyang showbiz career, partikular na ang pagkakaroon ng love team.
Si Enrique ang on- and off-screen partner ni Liza.
Tanong ni Bea: "Do you think your career opportunities were limited because nakahon ka sa love team?"
Mabilis na sagot ni Liza: "Yes."
Sundot na tanong ni Bea: "Ano pa yung gusto mong gawin na hindi mo nagawa because you’re part of a love team?"
Saad ni Liza: "At the time when I was in a love team, hindi ko naisip na problema siya."
Sa puntong ito naikuwento ni Liza ang pagganap sana nila ni Enrique sa isang proyekto na gustung-gusto raw niyang gawin.
Aniya, "Actually, yung Hello, Love, Goodbye ni Kathryn and Alden was actually offered to Quen [Enrique] and I first.
"I wanted to do that movie so bad. But then, they said... they were, like, 'There’s another project that’s lined up for the both of you.'
"Tapos while doing Bagani [2018], nabalitaan ko na they offered [the film] at first to Kathryn and Quen, and it scared the sh*t out of me."
Pag-amin pa ni Liza, natakot siyang baka mawala ang tambalan nila ni Enrique na LizQuen kung sakaling matuloy ang pagpapareha nina Kathryn at Enrique.
Ani Liza, "I was, like, 'Why did they do that?'
"I asked them to save the project for me and Quen. Parang, 'Please wait for us.'
"Kasi I told them nung pinitch sa amin na hindi puwedeng gawin agad kasi they have to develop it more.
"And I was, like, 'Okay, we'll wait for it. Please hold it for us.'
"Then, nalaman ko na lang bigla na they were offering it to Quen still, but with Kathryn.
“And I was scared that, like, after Bagani, and when I do Darna, wala na yung LizQuen.
"And for me, I don’t want to do that to the fans, but also, Quen was my comfort zone."
Read: Liza Soberano explains how she got fractured finger while doing Bagani
Huli na raw nang mapagtanto niyang marami pa siyang hindi nagawa dahil sa pagkakaroon ng love team.
Saad ni Liza, "That was until later that I realized, 'Oh my God, ang dami kong hindi nagawa sa career ko,' and that is why everybody, I think, takes for granted my talent or acting capabilities because they only see me in a love team."
Read: Liza Soberano opens up about people getting “disappointed” with decision to change management
KATHRYN FANS REACT
Umani ng iba't ibang reaksiyon sa social media ang interview ni Bea kay Liza.
Read: Liza Soberano asked: "Did you ever get an abortion?"
Ilan sa fans ni Kathryn ang umalma at kinuwestiyon ang kapasidad ni Liza na gawin ang anila'y mahusay na pagganap ni Kathryn sa Hello, Love, Goodbye.
Tweet ng isang netizen, "Joy Marie Fabregas is Kathryn Bernardo. Kathryn Bernardo is Joy Marie Fabregas. No one can pull off Joy as accurate & as passionate as Kathryn. The success of Hello, Love, Goodbye will not be the same if it wasn't her in it. So cut the crap & swallow your frustrations."
Sabi ng isa, "I can't even imagine a DH [domestic helper] as conyo as Liza. If it wasn't portrayed by Kath, it won't be successful the way it was. periodt."
Saad pa ng isang fan, "You can tell that she wasn't the first choice for the role, but Joy Fabregas was designed for Kathryn Bernardo only. It was meant for her."
Ayon naman sa isa pang Kathryn fan, "She played and embodied Joy's character wholly and no one can portray that character as great as she did."
Wala pang reaksiyon si Liza sa mga mensaheng ito ng fans ni Kathryn.
MORE HOT STORIES ON PEP.PH:
- Tito Sotto, Vic Sotto, and Joey de Leon reminisce about humble beginnings of Eat Bulaga!
- Mayor Bullet Jalosjos, sasagutin lahat ng isyung kinahaharap ng Eat Bulaga!
- Eat Bulaga!'s humble beginnings: "We were struggling, di kami sumusuweldo."
- Status ng Eat Bulaga hosts at staff, floating pa; Dabarkads pa rin kaya sa EB sa Holy Week?