Nagpahayag ng saloobin ang Star Magic Boss at ABS-CBN’s head of TV production na si Direk Laurenti Dyogi tungkol sa isyung kinakaharap ngayon ng aktres na si Liza Soberano.
Simula pa noong February 26, 2023, usap-usapan na sa social media ang kontrobersyal na vlog sa YouTube ni Liza na naglalaman ng mga detalye patungkol sa kanyang showbiz career.
Dito ay ipinaliwanag ni Liza kung bakit siya nagdesisyong lumipat ng talent management company na hahawak sa kanyang showbiz career.
Read: Liza Soberano opens up about people getting “disappointed” with decision to change management
Noong June 2022, pumirma ng kontrata si Liza sa Careless Music, ang music label at management company na pagmamay-ari ng singer-actor na si James Reid.
Hindi na nag-renew ng kontrata si Liza sa Star Magic, ang talent management arm ng ABS-CBN, at sa manager niyang si Ogie Diaz.
Sa vlog, sinabi ni Liza na ang paglipat niya ng management ang nagbigay daan sa kanyang kumawala sa mga taong nagdidikta sa mga ginagawa niya sa loob ng mahabang panahon.
Read: Liza Soberano reacts to "ingrata" issue; Ogie Diaz to Liza: “Hindi ako galit sa yo.”
Dahil dito, pinaratangan si Liza ng ilang netizens na “ungrateful,” sa kasikatang ibinigay sa kanyan ng kanyang home network.
DIREK LAUREN REACTS
Sa ginanap na contract signing at mediacon ng HORI7ON noong March 10, 2023, nakapanayam ng press kasama na ang Philippine Entertainment Portal (PEP.ph) si Direk Lauren para hingin ang kanyang reaksiyon at saloobin sa mga naging pahayag ng dating talent ng Star Magic na si Liza.
Ayon sa direktor na kilala rin noon bilang si "Kuya" sa Pinoy Big Brother, naiintindihan niya si Liza sa naging desisyon nitong lumipat ng talent management company.
Saad ni Direk Lauren, “Si Liza, mabait na bata talaga yan. In my short dealings with her, she’s a responsible [person].
“Marami talagang pinagdaanan ang batang yan.
“Marami rin siyang responsibilidad sa buhay, I think she’s open about her life. But like most of us, hindi naman unique ang experience ni Liza.
"Kahit naman ako, may responsibilities din naman.”
Read: Ogie Diaz on alleged 40 percent cut from Liza Soberano's talent fee: “How I wish!”
Wala raw siyang ibang inaasam kundi ang maging successful ang mga hinahawakan nilang talents, kabilang na si Liza.
Sabi ni Direk Lauren, “Liza is lucky enough to have opportunities presented to her na hindi nape-present sa iba.
“And remember, Liza is only in the first quarter of her life. Siguro, nagka-quarter life questioning siya, nangyayari naman sa atin yun.
“But we allow her to explore and aspire for something better.
“If that means moving on to somewhere else, whether she moves to a different territory, let’s just wish her well."
Pagpapatuloy pa ni Direk Lauren, “Because [Liza’s] accomplishments are also an accomplishment for us, especially for the people who helped her in the beginning— sina Ogie [Diaz], the Star Magic family—they would be very happy if Liza attained what everybody has been aspiring, which is global stardom.”
Ang nagdaang pandemya at ang pagkawala ng prangkisa ng ABS-CBN noong 2020 ang isa rin daw sa nakikitang dahilan ni Direk Lauren kung kaya't ninais ni Liza na kumawala sa kanilang pamamahala.
“Si Liza kasi, even before naman, we’ve been pitching to her concepts. Noong nag-pandemic na, she was already contemplating [her career].
"I think the pandemic did a lot to our artists, not only kay Liza.
"Ang daming nag-isip kung anong gustong gawin nila because the isolation, pandemya, and shutdown, it really forces us to think about the future and our own decisions."
IS DIREK LAUREN OFFENDED BY LIZA'S VLOG?
Hindi rin nakaligtas si Direk Lauren sa tanong kung na-offend ba siya sa vlog na inilabas ni Liza.
Read: Liza Soberano: "Hindi po ako nagko-complain. I was just stating facts."
Aniya, "Am I offended? Iniisip ko na lang kung paano talaga yung gusto niyang sabihin.
"Minsan kasi, it's just a matter of what you say and how you say it. Maybe she meant something else or she meant it na... kaya lang her being outspoken sometimes to some people hindi Iyon dumadating nang tama.
"But if you take it as it is, she's just saying na she wants to find her own self and she wants to explore on her own.
"And we should allow that because it's her life.
"Sabi nga niya, 'it's her life, it's her choices."
Read: Liza Soberano reveals Hello, Love, Goodbye was first offered to LizQuen; Kathryn Bernardo fans react
Dagdag pa niya, "Kaya dapat talaga mag-move on na rin tayo."
Direk Lauren says ABS-CBN is always open to Liza
Dahil sa kontrobersiyang kinakaharap ngayon ni Liza, bukas pa ba ang ABS-CBN para sa kanya?
Sagot ni Direk Lauren, “ABS-CBN has always been open with Liza.
"We offered her a lot of projects in the past; and we’ve been really patient, in fairness to management, we’ve been very patient with the choices she would make. And ultimately, she decided to do international projects.
"We wish her well.”
READ MORE:
- Careless CEO claims Liza Soberano offered to audition for Zendaya's role in Spider-Man
- Ogie Diaz on claim that Liza Soberano was offered to audition for Spider-Man: “You might want to release the receipt…”
- Boy Abunda disappointed with Liza Soberano's "this is me" vlog
- Liza Soberano asked: "Did you ever get an abortion?"
- The times Liza Soberano's quotes made headlines