Sa kauna-unahang pagkakataon, umamin si Ruffa Gutierrez na totoo ang matagal nang espekulasyong mayroon silang espesyal na relasyon ni Herbert Bautista.
Matagal nang nauugnay ang dalawa sa isa’t isa ngunit wala silang opisyal na pag-amin kung ano ang tunay na estado ng kanilang relasyon.
Read: Ruffa Gutierrez, wala pa ring direktang pag-amin o pagtanggi sa kanila ni Herbert Bautista
Sa katunayan, naisyu pa noon na, diumano, buntis si Ruffa sa anak nila ni Herbert. Pero mariin itong pinabulaanan ng aktres.
Read: Ruffa Gutierrez denies she's pregnant with Herbert Bautista's baby
Sa YouTube vlog ni Karen Davila nitong Huwebes, June 20, 2024, nangyari ang pag-amin ni Ruffa nang ibuking ng dalawa niyang anak na sina Venice at Lorin ang tungkol sa lalaking nagpapasaya ngayon sa kanilang ina.
Nagsimula ito nang tanungin ni Karen sina Lorin, 20 at Venice, 19, kung handa at pumapayag pa ba silang ikasal ang kanilang ina, matapos nitong mahiwalay at ma-annul sa kanilang ama—ang Turkish businessman na si Yilmaz Bektas.
Saad ni Lorin: "I don't want anything specific for her.
"I want her to be happy and whatever that looks like for her, if it's being alone with eighty cats, and that's fine...
"And if it's getting married, if it's having a long-term partner, whatever that looks like for her, I just want her to be happy.
"So I never really thought too much about. Me and my sister don't get too overly involved."
Bagay na sinang-ayunan naman ni Venice.
Aniya, tiwala siya sa kanyang ina pagdating sa pagpili ng lalaking mamahalin.
Sabi ni Venice, "I'm sure, me and Lorin probably make side comments at the start, but my mom always, usually, most of the time, has good judgment on picking who's right for her and who's wrong.
"Her current partner now, he's lovely, he's a nice guy, he suits her really well, and she is ecstatic about him.
"So, of course, I'm very happy for her. And again, if she's happy, I'm happy."
Read: Ruffa Gutierrez, rumored boyfriend Herbert Bautista spotted together anew
RUFFA TALKS ABOUT HER RELATIONSHIP WITH HERBERT
Dahil sa rebelasyon ng dalawa niyang anak, hindi na nakaligtas pa si Ruffa sa pag-uusisa ni Karen tungkol sa relasyon nila ni Herbert.
Paliwanag ni Ruffa, hindi sa itinatago niya ang espesyal na ugnayan nila ng dating alkalde ng Quezon City.
Gusto lang daw niya talagang maging pribado kung anuman ang mayroon sila kung kaya't hindi niya maamin noon at hindi rin siya ma-post sa social media.
Paliwanag niya, "I think now, it's just better that a quiet personal life leads to more happiness.
"You know, it's not there to front, 'Hey, baby, good morning. I love you' on Instagram. Like, how cringe, di ba? Parang ano, you can flex slightly."
Read: Richard Gutierrez reacts to sister Ruffa's blooming romance with Herbert Bautista
Hindi man maibida ni Ruffa ang relasyon nila ni Herbert online, nakatitiyak daw siyang seryoso at totoo silang nagmamahalan.
Pahayag niya, "I'll never go into a relationship that's not serious. I'm always the serious type."
Pag-amin ni Ruffa, sa set ng The House Arrest of Us noong 2020 nagsimula silang magkapalagayan ng loob ni Herbert.
Ang The House Arrest of Us ay ang romantic-comedy streaming series na pinagbidahan ng dating magkasintahang Kathryn Bernardo at Daniel Padilla.
Kabilang sa mga cast sina Ruffa at Herbert, na gumanap bilang mga magulang ng karakter ni Kathryn na si Q.
Read: Kris Aquino takes a swipe at ex-fiancé Herbert Bautista: "Di marunong tumupad sa mga pinangako."
Agad daw ipinagtapat ni Ruffa sa kanyang mga anak ang tungkol sa noo'y panliligaw ni Herbert.
Kuwento niya, "Our first date, they [Venice and Lorin] were included on our first date."
Sundot na pahayag ni Lorin, "Which I really appreciated."
Pagpapatuloy naman ni Ruffa, "Very proper. Sinundo kami sa bahay tapos sinama yung mga anak ko.
"Sabi niya, 'I wanna meet them,' and to make sure that they're okay with him and everyone is comfortable. And that was Christmas time."
Read: Ruffa Gutierrez, kakaiba ang first date kasama si Herbert Bautista
HERBERT ENCOURAGES RUFFA TO GO BACK INTO SCHOOL
Malaki raw ang pasasalamat ni Ruffa na nakilala niya si Herbert dahil ito ang nagtulak sa kanyang bumalik sa pag-aaral at maka-graduate ng college sa edad na 47.
Noong July 2022 nang grumadweyt si Ruffa sa kursong Communication Arts sa Philippine Women's University.
Read: Ruffa Gutierrez, 47, to graduate from college this July
Ani Ruffa, "I graduated college during the pandemic. And I remember, when we first met and reconnected again on the set of The House Arrest of Us, sabi niya, 'Mag-aral ka ulit, matalino ka.'
"Sabi ko naman, 'Yeah, I'm doing short courses now because it's pandemic.'
"[Sabi naman niya], 'Hindi, tapusin mo ang college mo, kayang-kaya mo yan.' And I was, like, 'Can I really do it?'
"Kasi the last time I was in school, I was sixteen, and now I'm in my forties, it was something new to me."
RUFFA'S daughters are happy with her lovelife
Pagdating kina Venice at Lorin, aprub naman daw sila sa karelasyon ngayon ng kanilang ina.
"You like him?" tanong ni Karen sa magkapatid.
Nakangiting sagot ni Lorin, "Yeah, I do."
Sabi naman ni Venice, "Yes, I do. He's very funny."
Paano kung sakaling magpakasal si Ruffa kay Herbert?
Hirit ni Lorin, "Get married abroad so you can get a divorce.
"Hopefully, if my mom gets married again, that will never have to be case...
"I've always just been very interested in law and making sure that you're protected as a woman..."
Read: Ruffa Gutierrez reacts to critics who say Herbert Bautista is not the marrying type
Mahihinuhang ang nais ipahiwatig ni Lorin ay hindi na maulit pa ang masalimuot na pinagdaanan ni Ruffa noong nagsasama pa sila ng dating asawa na si Yilmaz.
Taong 2003 nang ikasal si Ruffa kay Yilmaz.
Read: Ruffa and Yilmaz: World-Class Wedding
Tumagal ng halos limang taon ang pagsasama nila bilang mag-asawa hanggang sa isapubliko nila ang kanilang paghihiwalay noong 2007 sa pamamagitan ng joint statement.
Read: Ruffa and Yilmaz: Sad ending for their fairy tale?
Sa interviews noon ni Ruffa ay hindi niya itinago na nakaranas siya ng domestic violence mula sa dating asawa.
Read: Ruffa Gutierrez speaks up about domestic violence
Ito rin ang dahilan kung bakit takot si Ruffa na pumunta sa Istanbul, Turkey sa tuwing iniimbitahan siya noon ni Yilmaz.