Maricel Soriano, Eric Quizon, Roderick Paulate, Helen Gamboa honor the late Susan Roces

by Jojo Gabinete
May 25, 2022
maricel eric roderick helen susan roces eulogy
(From left) Maricel Soriano, Eric Quizon, Roderick Paulate, and Helen Gamboa recall their fondest memories with the late Queen of Philippine Movies Susan Roces during the fourth night of her wake at the Heritage Park.
PHOTO/S: Grace Poe Facebook

Hindi lamang si Eddie Gutierrez ang nagbigay ng madamdaming parangal para kay Susan Roces sa ika-apat na gabi ng lamay para sa yumaong Queen of Philippine Movies nitong Martes, May 24, 2022.

Read: Eddie Gutierrez tears up in eulogy for perennial leading lady Susan Roces

Sinariwa rin nina Maricel Soriano, Eric Quizon, Roderick Paulate, at Helen Gamboa sa kanilang eulogy ang mga hindi makakalimutang karanasan at mga aral na natutunan nila mula sa 80-year-old actress na sumakabilang-buhay noong May 20, 2022.

Read: Senator Grace Poe on passing of mother Susan Roces: “Nabigla rin kami.”

Ang mga anekdota nina Eddie at Helen tungkol kay Susan ang nagpaluha kina Pops Fernandez, Ruffa Gutierrez, Annabelle Rama, at sa halos lahat ng mga taong nagpunta sa Heritage Park kagabi para magbigay ng huling respeto sa namayapang beteranang aktres.

Nakiramay rin sa mga naulila ni Susan sina president-elect Bongbong Marcos at ang misis nito, si incoming First Lady Liza Araneta-Marcos.

Continue reading below ↓

bongbong marcos susan roces wake

Si Pops ang umawit ng "Wind Beneath My Wings" at si Ciara Sotto ang kumanta ng "Memory" bilang tribute kay Susan.

pops ciara susan roces wake

Continue reading below ↓

Pops Fernandez (left) and Ciara Sotto

MARICEL SORIANO

Unang nakilala ni Maricel Soriano si Susan nang magkasama sila sa Inday, Inday sa Balitaw, ang 1986 movie ng Regal Films.

Naging panauhin din niya ang veteran actress sa kanyang drama anthology sa ABS-CBN na The Maricel Drama Special (1989-1997).

Pero lumalim ang kanilang relasyon sa set ng John En Shirley, ang sitcom ng ABS-CBN noong 2006.

Lahad ni Maricel, “Na-bless na naman ako na makasama si Tita Susan sa Maricel Drama Special at pinaunlakan niya kami kaya pinuntahan ko siya kasi may munti kaming regalo para sa kanya.

“Naku, ang pagkakahindi dun sa regalo, ganoon na lang. Nakita ko kung gaano ka-humble si Tita Susan. Napaka-humble na tao.

"Wala akong masabi sa kanya kundi saludo ako. Bow ako dahil ibang klase talagang babae," bahagi ng kuwento ni Maricel.

Hindi raw nakakalimutan ng Diamond Star ang mga pangaral sa kanya ni Susan sa John En Shirley.

Continue reading below ↓

“Ang sabi niya sa akin, ‘Marya, ito ang tandaan mo. Kapag may humuhusgang tao sa 'yo, tahimik ka lang. Huwag ka nang magsasalita kasi ang Diyos na ang magdedepensa para sa 'yo. Tandaan mo ‘yan, ha?

“'Marya, alam mo ba na pareho tayo ng mama? Ang mama ko, isa lang din ang mata kagaya ng mama mo, si Linda.

“'Pareho nga tayong dalawa kaya tatandaan mo, palagi kang magtitira para sa sarili mo. Tandaan mo ‘yang sinabi ko na ‘yan.'

“Sabi ko, 'Hindi ko po makakalimutan ‘yan, Tita, dahil sinasabi ho ‘yan sa akin ng nanay ko palagi.'"

Mensahe pa ni Maricel: "Tita Susan, maraming-maraming salamat po sa pagyakap at sa pagmamahal. Maraming salamat, mahal na mahal na mahal kita Tita Susan."

ERIC QUIZON

Mapalad ang pakiramdam ni Eric Quizon dahil isa siya sa mga huling nakatrabaho ni Susan noong February 2022 sa event ng Philippine Postal Corporation.

Si Susan ang isa sa Living Legends na pinarangalan ng PhilPost sa pamamagitan ng paglalagay ng kanyang larawan sa selyo at si Eric ang direktor ng programa.

Continue reading below ↓

Ang kanyang ama, ang yumaong Comedy King na si Dolphy, ang naalaala ni Eric nang magkita at mag-usap sila noon ni Susan.

Kuwento ng actor-director, “'How are you, Tita? I haven’t seen you in a while, how are you?'

“And then she said, ‘I’m okay, but most of the time, I’m not.’

“I remember when I visited my dad before yung ordeal niya sa Makati Medical Center, it’s the same question I asked my dad. 'How are you dad?' And my dad said, 'I’m okay but I’m not.

“And then after twenty minutes, in-intubate na namin siya."

Dagdag ni Eric tungkol kay Susan, “I’m very lucky na nakasama ko siya in her last project, her last event.”

May fun fact din si Eric tungkol sa veteran actress.

“Marami ang hindi nakakaalam na ang totoo talagang pangalan ni Tita Susan, Maria Teresa. In short, Marites,” pabirong sabi niya.

“Si Tita Susan po, siguro parang siya po talaga yung original Marites kasi ganito po ‘yan, six o'clock pa lang ng umaga, tatawag na ‘yan kay Dolor [Guevarra, Eric and Susan’s manager].

Continue reading below ↓

“'Dolor, anong latest? Dolor, anong bagong balita? Dolor, sino yung blind item ni Ricky Lo? Dolor, sino na naman itong naghiwalay?'"

RODERICK PAULATE

Ayon kay Roderick Paulate, natuto siyang maging mabuti sa kapwa dahil sa kabutihang ipinakita at ipinaramdam sa kanya ni Susan sa set ng Bandana, ang pelikulang pinagsamahan nila noong 1968.

Inilahad ni Roderick na nakita ni Susan ang kalungkutan niya matapos makipaglaro ng badminton sa mga kapwa bata dahil sa pagbawi sa badminton racket na ipinahiram sa kanya.

Salaysay ng aktor, “Paglingon ko, si Tita Swanie nakaupo sa isang bonbon [chair]. Ngumiti lang siya sa akin, ‘O, tapos ka nang maglaro?'

"Nag-take muna kami after that nag-lunch break. Basta ang naalaala ko lang po na sinabi ni Tita Swanie, 'Direk, mabilis lang kami.'

“'Tapos, dinala niya ako, isinakay niya ako sa beige Mercedes Benz, dinala niya po ako sa Arcega’s.

“Ibinili ako ni Tita Swanie ng laruan. Hindi ko na nakalimutan yun,” pagbabalik-tanaw ni Roderick sa isang mahalagang parte ng buhay niya.

Continue reading below ↓

Dagdag niya, “Talagang napakaimportante po na kung ano yung ginawa ng isang matanda at nakita ng bata, hindi po makakalimutan, kasi dun po ako natuto ng kindness.

“Ipinakita ni Tita Swanie na itong mundong pinasok mo, kahit bata ka pa, may mga mabubuting tao dito.

"Dun po ako nakakita ng ehemplo na okay naman po. Bagong mundo, pero Mamang [Roderick’s mother], mababait pala ang tao dito sa showbiz. May mga mababait na nagreregalo saka inaalagaan ka.

"At si Tita Swanie po, malaki yung impact sa akin.

“Dala-dala ko po ngayon ang pagiging kind. As much as possible, it’s not easy, but I try to be kind kahit sino ang makaharap ko mula sa itaas ng producer hanggang ibaba.

“‘Yan po ang natutunan ko, learnings ko, lessons ko from the veteran actresses, especially si Tita Swanie.”

HELEN GAMBOA

Tumibay ang pagkakaibigan nina Susan at Helen Gamboa sa set ng Walang Hanggan, ang primetime drama series ng ABS-CBN noong 2012, kaya ang mga pangalan ng kanilang karakter ang tawag nila sa isa’t isa—Margaret (Helen) at Henya (Susan).

Continue reading below ↓

Kuwento ni Helen, “In between takes, she would ask me to take naps with her. 'Halika, Margaret, tabi tayo. Ang laki naman ng kama.'

"We would then talk about anything and everything hanggang hindi na kami makatulog dahil sa kuwentuhan namin.

“Ate Sue, how I miss you. I miss her already. I miss her gentleness, kindness, and graciousness.

"I miss her contagious laughter. Natatawa ako lalo whenever I hear her laugh...” umiiyak na sabi ni Helen, na inihingi ng paumanhin ang kanyang pagluha.

Mensahe pa niya sa namayapang kaibigan at kasamahan sa industriya: “For one… more than a year, I think we were together three times a week.

“I love you, Ate Sue, salamat at naging malapit na magkaibigan tayo.

"Ibabalik ko sa 'yo ang palagi mong sinasabi sa akin, isang mahigpit na yakap para sa 'yo, Ate Henya.

"I will forever treasure our friendship. I love you, Ate Sue."

Continue reading below ↓

Related Stories

Continue reading below ↓
We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
(From left) Maricel Soriano, Eric Quizon, Roderick Paulate, and Helen Gamboa recall their fondest memories with the late Queen of Philippine Movies Susan Roces during the fourth night of her wake at the Heritage Park.
PHOTO/S: Grace Poe Facebook
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results