Masaya si Lilybeth G. Rasonable, Senior Vice President for Entertainment Group ng GMA Network, sa tagumpay ng MMFF 2023 official entry na Rewind.
Ang nasabing family drama na pinagbidahan nina Dingdong Dantes at Marian Rivera ay itinanghal bilang all-time highest-grossing Filipino film worldwide.
Produced ito ng Star Cinema ng ABS-CBN, AgostoDos Pictures ni Dingdong, at APT Entertainment ni Mr. Tony Tuviera.
Read: Rewind ng DongYan highest-grossing Filipino film of all time
As of January 26, Friday, ay tumabo na iyon ng PHP889M, at showing pa sa mahigit 270 sinehan sa Pilipinas, UAE, USA, Canada, Australia, New Zealand, Singapore, Guam, at Saipan. Malapit na rin itong mapanood sa Hong Kong.
Bongga rin ang ratings ng pilot episode ng DongYan sitcom na Jose & Maria’s Bonggang Villa 2.0 noong Enero 20, Sabado, 6:15 pm sa GMA-7.
Read: Kumusta ang pilot ng Linlang: The Teleserye Version at Jose & Maria’s Bonggang Villa 2.0?
Dingdong Dantes and Marian Rivera
Wagi rin ang Family Feud na hino-host ni Dingdong, ganoon din ang The Voice Generations, at ang seryeng Royal Blood.
Kaabang-abang ang seryeng My Guardian Alien nina Marian at Gabby Concepcion.
“They’re such a lovable couple,” sambit ni Ms. Lilybeth tiungkol sa DongYan sa eksklusibong panayam ng PEP sa mediacon ng Walang Matigas Na Pulis Sa Matinik Na Misis (Season 2) noong Enero 26, 2024, Biyernes, sa Seda Vertis North, Quezon City.
“We’re very happy and glad na we are able to be partners in continuing to sustain Dingdong’s popularity. He’s even more popular now.
“Namamayagpag talaga, and we’re very proud of him, and happy that we’re partners also to help him in his career.”
Ongoing pa ang afternoon series nina Gabby Concepcion, Carla Abellana, at Beauty Gonzalez na Stolen Life. Kailan na ba iyong My Guardian Alien?
“The return! Of the comeback of our Primetime Queen! Sobrang exciting kasi dito, alien si Marian,” sabi ni Ms. Lilybeth.
“Ang husay-husay! Ang ganda-ganda! Nakaka-excite kasi pampamilya yung story kaya tamang-tama lang na comeback project. Masaya kami.”
Maaalalang si Marian sana ang bida sa First Yaya. Nang lumaganap ang pandemya ay nag-back out si Marian sa project, at pinalitan siya ni Sanya Lopez.
KAPUSO PRIME TIME
Kinabog ng Black Rider ni Ruru Madrid ang FPJ’s Batang Quiapo ni Coco Martin sa Game of Ratings noong Enero 24, Miyerkules.
Naka-12.5% ang Black Rider na produced ng GMA Public Affairs, samantalang naka-12.2% ang FPJ’s Batang Quiapo.
“Siyempre, hard work yan, e, di ba? Hard work pays off,” saad ni Ms. Lilybeth.
Ruru Madrid
Palalakasin pa ang bagong yugto ng Black Rider. Makakatulong iyon sa mga kasunod ng teleseryeng Love. Die. Repeat at Asawa Ng Asawa Ko.
“Siyempre tulung-tulong yan, di ba? The whole block, pag malalakas ang mga programa, tulung-tulong yan,” pagmamatuwid ng Kapuso executive.
“Maganda yon na malakas lahat, di ba?”
Panghapon originally ang Asawa Ng Asawa Ko, starring Jasmine Curtis-Smith and Rayver Cruz, pero inilipat sa gabi ang timeslot.
“Yeah, but it’s doing very well and, so far, ang ganda-ganda ng mga eksena. Very intense, very engaging, nakakatuwa.
“At saka yung Kalasag, di ba? Mga Kalasag Boys!” pagngiti ni Ms. Lilybeth.
EUWENN MIKAELL AFTERNOON DRAMA SERIES
Magbibida ang MMFF 2023 best child performer na si Euwenn Mikaell sa panghapong teledramang Forever Young.
Co-stars ng 11-anyos na si Euwenn sina Nadine Samonte, Alfred Vargas, Michael de Mesa, Eula Valdes, Rafael Rosell, Althea Ablan, at Princess Aliyah.
Read: Firefly star Euwenn Mikaell bida sa afternoon drama series ng GMA-7
(From left) Princess Aliyah, Nadine Samonte, Euwenn Mikaeel, Alfred Vargas, and Althea Ablan
Kaya ba kinuhang bida si Euwenn ay dahil nagwagi siya sa MMFF? Ang pelikula niyang Firefly with Alessandra de Rossi and Dingdong Dantes ay itinanghal na best picture ng 49th MMFF.
Read: Vilma Santos, Cedrick Juan, Firefly, Gomburza win big at MMFF 2023 Gabi Ng Parangal
“Well, actually, Euwenn has been acting in GMA dramas for a long time. Ang batang yan, kumbaga, beterano na,” lahad ni Ms. Lilybeth.
“Maliit pa lang, ginagamit na natin siya. Naging anak ni Dennis Trillo sa Cain at Abel, and several other shows.
“Nakakatuwa, di ba, na habang naggo-grow siya, humusay pa.”
Nabuo ba iyong Forever Young matapos siyang manalo sa MMFF, o nakalaan na iyon para kay Euwenn noon pa mam?
“May show na talagang ganon but we were looking for the perfect lead. It’s a difficult show to do,” pag-amin ng lady boss.
“Kasi talagang nakasentro sa magiging artistang lalabas dun sa karakter. So ang tagal na niyang nakatengga.
“Kasi, hindi namin mahanap yung perfect actor na gaganap dun sa batang role.”
Kumbaga, naghintay ng tamang pagkakataon ang proyekto. Nang mapanood si Euwenn sa Firefly, sakto! May follow-up project agad siya!
“Very endearing yung personality niya, yung character niya. Kaya sabi namin, 'We found the actor.'”
RAPHAEL LANDICHO VS EUWENN MIKAELL?
Gumanap si Raphael Landicho bilang Little John Armstrong na isa sa mga bida sa Voltes V: Legacy.
Tampok si Raphael bilang anak nina Senator Bong Revilla at Beauty Gonzalez sa season 2 ng Walang Matigas Na Pulis Sa Matinik Na Misis, na mag-uumpisa sa Pebrero 4, Linggo ng 7:15 p.m., sa GMA-7.
Read: Bong Revilla aksidenteng tinamaan ng baril sa mata sa Walang Matigas Na Pulis taping
Magiging magkaribal kaya sina Raphael at Euwenn?
“Ay! Hindi naman! Ikaw talaga, pati bata, pinagra-rival mo!” bulalas ni Ms. Lilybeth.
“Pareho silang mahusay. Si Raphael, isa ring beterano. Mga beteranong artista na ang mga ito kung magsalita at umarte.”
Maliban kina Sen. Bong, Beauty, at Raphael, nasa cast ng Walang Matigas Na Pulis Sa Matinik Na Misis sina Carmi Martin. Jestoni Alarcon, Ejay Falcon, Liezel Lopez, Niño Muhlach, Dennis Padilla, Maey Bautista, Nikki Co, Angel Leighton, Jeffrey Tam, Max Collins, Kelvin Miranda, Herlene Budol, Dion Ignacio, Lianne Valentin, Celeste Cortesi, Mika Salamanca, at Sanya Lopez.
May special participation dito sina ER Ejercito, Roi Vinzon, Jay Manalo, Ramon Christopher Gutierrez, Antonio Aquitania, Brent Valdez, MJ Ordillano, at Michael de Mesa.
View this post on Instagram
PULANG ARAW
Ngayon pa lang ay pino-promote na ang Pulang Araw na bida sina Barbie Forteza, Sanya Lopez, David Licauco, at Alden Richards.
Anu-ano pang palabas ng GMA ang exciting at talagang kaabang-abang this year?
“Nakita niyo naman yung success ng Maria Clara at Ibarra, so we want to be able to deliver another series na kapupulutan ng historical na impormasyon,” salaysay ni Ms. Lilybeth.
“Kung ano yung pinagdaanan naman natin nung panahon ng Hapon, iyon ang kuwento ng Pulang Araw.
“And then, of course, we’re preparing for Sang’gre later on. Widows' War with Bea and Carla…”
Carla Abellana and Bea Alonzo
Natanggal na ba talaga si Gabbi Garcia sa Widows' War? Napabalita noong una na silang tatlo nina Bea Alonzo at Carla Abellana ang mga bida roon. Kapagkuwan ay napralala na ang mga bida ay sina Bea, Carla, Jean Garcia, at Rita Daniela.
“Wala na si Gabbi sa cast ng Widows' War due to conflict of schedule,” pagtatapat ni Ms. Lilybeth.
Read: Carla Abellana fangirls over Widows' War co-star Bea Alonzo
Naka-lineup na rin ang panghapong Lilet Matias, Attorney-At-Law na bida si Jo Berry, sa direksiyon ni Adolf Alix Jr.
Co-stars dito sina Sheryl Cruz, Bobby Andrews, Jason Abalos, Rita Avila, EA Guzman, Maricel Laxa, Joaquin Domagoso, Analyn Barro, Lloyd Samartino, at marami pang iba.
OTHER UPCOMING KAPUSO SHOWS
Siyempre, andiyan din ang Shining Inheritance nina Kate Valdez, Kyline Alcantara, Michael Sager, Paul Salas, at Coney Reyes.
“Aside from the dramas, we’re doing The Voice again, The Clash, Running Man Philippines,” kuwento ni Ms. Lilybeth.
Idinagdag si Miguel Tanfelix sa Running Man PH. Kasali pa rin doon si Ruru Madrid.
Read: Miguel Tanfelix joins Running Man Philippines as 7th member
“Once you are a runner, you are always a runner.”
May eksena bang magkakasama sina Ruru at Miguel?
“Abangan! Kung meron, maganda yon. E, magkakapatid naman ang mga yun under GMA, so, walang isyu,” pahayag pa ni Ms. Lilybeth.
Running Man Philippines cast members (first row, from left) Buboy Villar, Mikael Daez, and Miguel Tanfelix; (second row, from lef) Kokoy de Santos, Angel Guardian, Glaiza de Castro, and Lexi Gonzales
Sa mga bagong programa ng Kapuso Network, mukhang ang pinakamagastos ay ang period series na Pulang Araw, at ang maaksyon at ma-special effects na Sang’gre: Encantadia Chronicles.
“Compared siguro to other drama programs, Pulang Araw is more costly. Kasi siyempre, alangan namang gagawa ka ng period show tapos tinipid mo,” sabi ni Ms. Lilybeth.
“E, nasanay na ang tao sa mga produksiyon ng GMA, like Maria Clara at Ibarra, Voltes V: Legacy, and Encantadia before. Even Walang Matigas Na Pulis…, di ba?
“Ang laki ng cast, ang laki ng mga action scenes. It’s a comedy, weekly, pero you don’t shortchange your audience, di ba?”