GORGY RULA
Apektado ang buong cast at production ng teleseryeng FPJ’s Ang Probinsyano dahil sa pagpanaw ni Susan Roces.
Read: Queen of Philippine Movies Susan Roces dies
Naka-text namin si Lorna Tolentino, umaga ng Sabado, Mayo 21, 2022, na nalulungkot din sa balitang ito.
Kasama si Lorna sa lock-in taping ng FPJ’s Ang Probinsyano sa Ilocos Sur, at ang aga raw nilang lahat sa set, pero parang nakatulala raw silang lahat.
“Sad lahat dito. Artists, staff at crew [cry emoji]. Nakatulala. Umuulan pa. Waiting kami na mag-stop ang ulan,” bahagi ng viber message niya sa PEP Troika.
Nagdadasal daw silang lahat habang naghihintay na mag-resume ang taping.
Pero parang nag-flashback daw sa kanya ang mga masasayang alaala niya kasama si Manang Inday (palayaw kay Susan).
“Nag-flashback ako nung bata pa ako. FPJ baby ako. Sila ang nag-discover sa akin.
“Proud ako na naging young Tita Susan sa Divina Gracia,” text ni Lorna sa amin.
May misa para ang FPJAP Ilocos Lock-in Taping Group para sa kanilang Lola Flora (karakter ni Susan sa show) mamayang 7:30 pm sa Vitalis Villas Chapel sa Santiago, Ilocos Sur.
Inaayos din nila ay ang pagluwas nila pa-Maynila bukas para sa Sunday 5:00 pm Mass sa Heritage Park, Taguig City, kung saan nakaburol ang mga labi ng premyadong aktres.
Pagkatapos ng misa ay babalik din daw silang lahat sa Ilocos Sur para ipagpatuloy ang kanilang taping.
Samantala, bilang taga-DZRH, malaki rin ang partisipasyon ni Susan Roces sa drama department ng naturang radio station.
May ilang nakakausap naming nagda-drama na nakasama pa raw nila noon si Manang Inday na sumasali sa mga radio drama.
Isa sa naalala nila ay ang dramang Isinakdal Ko ang Aking Ina na ginawa ring pelikula.
Masaya raw siyang kasama at lagi raw itong nagpapakain sa kanila. Siya pa raw mismo ang nag-aalok na magninang sa binyag ng anak ng ilang nakakasama niyang nag-drama sa DZRH.
Kahit nung kabataan pa niya ay naging bahagi na siya sa ilang programa ng DZRH, kagaya ng Reyna ng Vicks, na kung saan nakakasama niya roon sina Dolphy, Chichay, Tolindoy, at iba pang artista na kinilala rin sa movie industry.
JERRY OLEA
Isa sa mga di-malilimutang pelikula ni Susan Roces ang psychological horror na Patayin Mo sa Sindak si Barbara (1974) na idinirek ni Celso Ad. Castillo.
Sa remake nito na Patayin sa Sindak si Barbara (1995) na idinirek ni Chito S. Roño, si Lorna Tolentino ang nagbida.
Instagram post ni Lorna ngayong Sabado ng umaga, “I will hold you in my heart. We will miss you. Maraming salamat sa pagmamahal Tita Susan. Our love and prayers.”
View this post on Instagram
Nagkasama sina Lorna at Susan sa pelikulang Mano Po 2: My Home (MMFF 2013) na idinirek ni Erik Matti.
Nasa cast din nito sina Christopher de Leon, Zsa Zsa Padilla, Judy Ann Santos, Carmina Villaroel at Kris Aquino (bilang young Susan Roces).
Tampok si Lorna sa teleseryeng FPJ’s Ang Probinsyano bilang kontrabidang si First Lady Lily Ann Cortez-Hidalgo.
“My idol… so sad,” komento ni Direk Chito sa aming Facebook shout-out kaugnay sa pagpanaw ng movie queen na gumanap bilang Lola Flora sa FPJ’s Ang Probinsyano.
Ang Instagram post naman ni Coco Martin, “Mahal na mahal kita Lola. Maraming salamat po sa lahat ng biyaya, pag gabay at pag aruga.
“Nabuo ako, dahil sa pagmamahal mo. Hindi kita makakalimutan. Nasa puso at nasa isip kita habang buhay. Mahal po kita!”
View this post on Instagram
Ang pahayag ng Kapamilya Network, “The ABS-CBN family and the entire cast and crew of ‘FPJ’s Ang Probinsyano’ led by Coco Martin deeply mourn the passing of legendary actress Ms. Susan Roces. We extend our deepest sympathies to Sen. Grace Poe and her family.
“For many years, she has instilled the values of love, faith, and hope with her loving portrayal of Lola Flora in ‘FPJ’s Ang Probinsyano.’
“Tita Susan was an exemplary icon, who was a source of inspiration and strength as she served the Filipino people.
“We will continue to honor her legacy as the Queen of Philippine Movies and as one of the beloved pillars of the entertainment industry.
“Hindi ka namin malilimutan, Tita Susan. Maraming salamat at paalam, aming mahal na Kapamilya.”
NOEL FERRER
From whom I can consider the last of the movie queens of their kind—si Judy Ann Santos mismo—na nakasama ni Tita Susan sa ilang pelikula (at malapit kay FPJ mismo) ay nagbigay ng kanyang tribute, lalo pa’t huli silang nagkatrabaho sa FPJ’s Ang Probinsyano rin.
Ang sabi ni Juday, “Nakakalungkot… pero nagpapasalamat ako sa pagkakataong makilala at makasama ang nag-iisang reyna ng Pelikulang Pilipino. Your generosity, your genuine love and words of wisdom, yung pag-spoil mo sa akin sa taping ng ‘Probinsyano,’ yung masarap at mahigpit mong yakap tuwing nagkikita tayo, ‘yung malutong na tawa mo at tapang ng loob sa maraming bagay at higit sa lahat, yung tunay na pagmamahal at pakikipagkapwa tao ang mga bagay na hinding hindi ko makakalimutan.
“Lahat ng itinuro mo sa akin, sisiguraduhin kong ipasa sa iba pang mga kabataang nasa industriya natin. Rest in peace Tita Susan.”
View this post on Instagram
From one movie queen to another, ramdam natin ang pagdadalamhati ng ating mundo sa pagyao ng isang haligi, na nagsabing “Ang sinungaling ay kapatid ng magnanakaw” na magandang paalala sa ating lahat na mananatiling napapanahon.
Ipagdasal mo ang ating industriya at ang ating bayan, Tita Susan!!! Maraming salamat!
Related Stories:
- Queen of Philippine Movies Susan Roces dies
- Alex Gonzaga, Kim Chiu, Bela Padilla, Bianca Gonzalez mourn death of Susan Roces
- Vilma, Maricel, Lorna, Judy Ann, Ai-Ai pay tribute to fellow queen Susan Roces
- Lovi Poe nagparating ng pakikiramay sa pagpanaw ni Susan Roces
- Rosemarie Sonora, hindi makakauwi para sa burol at libing ng kapatid na si Susan Roces
- Mga ARTISTA at iba pang KILALANG TAO sa unang gabi ng BUROL ni SUSAN ROCES
- Boots Anson Roa-Rodrigo likens passing of Susan Roces to movie queen's "French leaves" at events
- Senator Grace Poe on passing of mother Susan Roces: “Nabigla rin kami.”
- Julia Montes vows to remember life lessons from Queen of Philippine Movies Susan Roces
- Ang Probinsyano cast and crew, nagbigay-pugay sa Queen of Philippine Movies na si Susan Roces
- Sheryl Cruz, daughter Ashley pay tribute to Susan Roces
- Coco Martin recalls fond memories with late Queen of Philippine Movies Susan Roces
- Mga labi ni Susan Roces, ililibing sa tabi ng puntod ni FPJ sa Manila North Cemetery
- Pepe Herrera posts emotional tribute to late movie queen Susan Roces
- Eddie Gutierrez tears up in eulogy for perennial leading lady Susan Roces
- Maricel Soriano, Eric Quizon, Roderick Paulate, Helen Gamboa honor the late Susan Roces
- Sheryl Cruz, ibinahagi ang mga huling sandali ng tita niyang si Susan Roces sa ospital
- Senator Grace Poe recalls most memorable real-life lines from late mom Susan Roces
- Sheryl Cruz, nag-record ng sariling eulogy para sa kanyang Auntie Susan Roces
- Brian Poe-Llamanzares inalala ang mga payo ng kanyang Lola Susan Roces