GORGY RULA
Maaga pa lang ay nagsimula nang magdagsaan ang mga tao sa Manila North Cemetary para makilibing sa kinikilalang Reyna ng Pelikulang Pilipino na si Susan Roces ngayong Huwebes, May 26, 2022.
Read: Mga labi ni Susan Roces, ililibing sa tabi ng puntod ni FPJ sa Manila North Cemetery
Nakahanda na ang nitsong paglalagakan ng kanyang mga labi. Pero bago siya ihatid sa Manila North Cemetary ay magkakaroon muna ng misa sa Heritage Park, Taguig City, ngayong 9:30 a.m.
Naka-schedule ang interment ng 11:30 a.m.
Mula Heritage Park, dadaan ang funeral cortege sa Osmeña Highway patungong Buendia Skyway Entry, pa-exit ng Nagtahan Skyway, diretso ng Mabini Bridge, dadaan sa Dimasalang St. patungong Manila North Cemetery.
Maaga pa lang ay kontrolado na ang lugar malapit sa mausoleum ng pamilya Poe para hindi magkagulo sa dami ng mga taong nag-aabang at makikilibing.
Samantala, bandang 10:30 p.m. nung Miyerkules, Mayo 25, ay dumating si Pangulong Rodrigo Duterte, kasama si Senator Bong Go, para makiramay sa pamilyang naiwan ni Susan Roces.
Si Senator Grace Poe ang umistima sa kanila.
Napag-alamang nagtagal doon si Pangulong Duterte dahil tumuloy pa siya sa burol naman ng pumanaw na kapatid ni Pastor Apollo Quiboloy na si Bishop Jose Quiboloy, na katabi lang ng chapel ni Manang Inday ang pinagburulan nito.
Bandang alas-dos ng madaling-araw na raw nakaalis ng Heritage Park ang Pangulo.
NOEL FERRER
Bilang ihahatid na sa huling hantungan ang yumaong movie icon na si Susan Roces ngayon, expected na marami pang personalidad ang nakiramay, katulad na lang ng pagdating sa Heritage ni Vice Ganda bandang 11:30 p.m. kagabi.
Aware kaya si Vice na ang kapatid ni Pastor Quiboloy ang nakaburol katabi ng chapel ni Tita Susan?
Well, maraming mga bagay ang naaayos din dahil sa kamatayan. Harinawa, ganun na lang ang mangyari lagi.
Muli, nakikiramay po kami sa pamilya Poe, at Quiboloy na rin.
JERRY OLEA
Sa lamay kay Susan sa Heritage Park ay ipinalabas ang mga video clips ng mga kaganapan sa buhay niya — mga interbyu sa kanya, mga talumpati, mga eksena sa TV at pelikula, mga nagpugay sa kanya, yung kasal nila ni FPJ, maging yung panayam ni Jessica Soho kay Senator Grace Poe.
Kumukurot at humahaplos sa puso ang montage ng mga eksena nina Susan at FPJ, sa saliw ng pag-awit ni FPJ ng kantang "Kumusta Ka."
“Kumusta ka, ikaw ay walang pinag-iba/ Ganyan ka rin nang tayo ay huling magkita/ Tandang-tanda ko pa habang ako’y papalayo/ Tinitingnan kita hanggang wala ka na…”
May kumalat ngang illustration kaugnay sa paghihintay ni Da King sa muling pagtatagpo nila ng kanyang Reyna.
“Kumusta ka, may kislap na ang iyong mata/ Halata na daigdig mo ngayon ay kaysaya/ Siguro ay nagmamahal ka na nang totoo/ Siya ba’y katulad ko nung tayong dalawa?”
Habang naghihintay ang mga tao sa pagdating ng funeral cortege sa North Cemetery, nagpapalabas doon ng video clips ni Susan.
“O kaytagal na ako’y nag-isip at naghintay/ Makita ka, mayakap ka at muling mahagkan/ Nguni’t ngayong nangyari na, ako ay nauutal/ Walang masabi kundi ‘Kumusta ka?’”
Related Stories
- Queen of Philippine Movies Susan Roces dies
- Alex Gonzaga, Kim Chiu, Bela Padilla, Bianca Gonzalez mourn death of Susan Roces
- Vilma, Maricel, Lorna, Judy Ann, Ai-Ai pay tribute to fellow queen Susan Roces
- Lovi Poe nagparating ng pakikiramay sa pagpanaw ni Susan Roces
- Rosemarie Sonora, hindi makakauwi para sa burol at libing ng kapatid na si Susan Roces
- Mga ARTISTA at iba pang KILALANG TAO sa unang gabi ng BUROL ni SUSAN ROCES
- Boots Anson Roa-Rodrigo likens passing of Susan Roces to movie queen's "French leaves" at events
- Senator Grace Poe on passing of mother Susan Roces: “Nabigla rin kami.”
- Julia Montes vows to remember life lessons from Queen of Philippine Movies Susan Roces
- Ang Probinsyano cast and crew, nagbigay-pugay sa Queen of Philippine Movies na si Susan Roces
- Sheryl Cruz, daughter Ashley pay tribute to Susan Roces
- Coco Martin recalls fond memories with late Queen of Philippine Movies Susan Roces
- Mga labi ni Susan Roces, ililibing sa tabi ng puntod ni FPJ sa Manila North Cemetery
- Pepe Herrera posts emotional tribute to late movie queen Susan Roces
- Eddie Gutierrez tears up in eulogy for perennial leading lady Susan Roces
- Maricel Soriano, Eric Quizon, Roderick Paulate, Helen Gamboa honor the late Susan Roces
- Sheryl Cruz, ibinahagi ang mga huling sandali ng tita niyang si Susan Roces sa ospital
- Senator Grace Poe recalls most memorable real-life lines from late mom Susan Roces
- Sheryl Cruz, nag-record ng sariling eulogy para sa kanyang Auntie Susan Roces
- Brian Poe-Llamanzares inalala ang mga payo ng kanyang Lola Susan Roces