Pasabog ang mega trailer ng Voltes V: Legacy na ipinakita a few minutes before countdown to 2023.
Sa naturang five-minute video, ipinakita kung gaano ito kabongga as a visual spectacle. Maging ang TOEI Animation, ang orihinal na producer ng iconic Japanese anime series na ito ay na-impress.
Sa ulat ni Nelson Canlas 24 Oras, sinabi ni Shinichiro Shirakura, Toei's director of planning and production: "Your robots look cool and intense—beautifully designed with very high quality visual effects. I was really surprised. I honestly admire all of you for the great job that you have done.
"I am personally very inspired. I think your production is so excellent that it made me feel strongly that we must do better to match your quality in the Philippines."
Habang naghihintay ng iba pang detalye about the series, narito ang star-studded cast nito.
Miguel Tanfelix
Si Miguel ang gaganap bilang isa sa mga pangunahing roles sa katauhan ni Kenichi Gou, also known as Steve Armstrong.
Siya ang panganay sa tatlong magkakapatid na Armstrong.
Kilala siya sa original series bilang eksperto pagdating sa pagmamaniobra ng iba't ibang klaseng aircrafts.
Engineering din ang isa pa sa niyang forte.
Nasaksihan si Miguel as Tikboy sa Fantastic Man (2007), Joko Santos sa Paroa: Ang Kuwento ni Mariposa (2012), at Pagaspas sa Mulawin vs. Ravena (2017), among his previous projects.
Siya rin ay produkto ng StraStruck Kids (2004), kung saan itinanghal siyang First Prince.
Matt Lozano
Si Matt naman ang naatasang gumanap bilang si Big Bert Armstrong, o kilala rin sa Japanese version na si Daijirou Gou.
Siya naman ang sumunod kay Steve. Sa kanilang magkakapatid, siya ang maituturing na expert sa martial arts.
Si Matt ang grand winner sa singing contest dati ng Eat Bulaga! na “Spogify ft. Singing Baes” noong 2015.
Raphael Landicho
Ang batang aktor na si Raphael ang gaganap as Little Jon Armstrong or Hiyoshi Gou, ang bunso sa tatlong magkakapatid.
Kagaya ng kuya niyang si Steve, may pagka-techie rin siya kaya gumawa siya ng kanyang sariling robot na pinangalanan niyang Octo-One (Tako sa Japanese).
Bukod sa pagbuo ng robot na ito, mahilig din si Little Jon mag-dive at mag-swimming.
Currently a contract artist ng GMA Artist Center, si Raphael ang gumanap as Ethan Alejandro sa Bihag (2019) at Andrei Nisperos Gonzales sa Love of My Life (2020), among other TV shows.
Radson Flores
Gaganap si Radson sa Voltes V: Legacy bilang si Mark Gordon, also known as Ippei Mine.
Simula pagkabata ay naulila na siya sa kanyang mga magulang, isa sa posibleng dahilan kaya relatively aloof si Mark compared sa ibang members ng Voltes team.
Bukod sa pagpapalipad ng isang component ng Voltes V, kilala rin siya sa kanyang galing sa rodeo at paggamit ng latigo.
Nakapasok si Radson sa showbiz nang lumahok sa StarStruck season 7 (2019).
Sa umpisa, he did not make it to the Final 14. Pero nagkaroon siya ulit ng pagkakataong ibahagi ang kanyang talento nang idaos ang “Second Chance Challenge” twist ng reality-based artista search.
In the end, isa siya sa naging avengers ng batch.
Ysabel Ortega
Si Ysabel ang gaganap as Jamie Robinson (or Megumi Oka), ang kaisa-isang babaeng miyembro ng Voltes team.
Isang skilled ninja simula pa noong 13 years old, si Jamie ay may angking bilis at talas ng isip na kinakailangan ng isang mandirigma.
Sa dynamics ng mga karakter sa original na Voltes V, si Jamie ang magsisilbing taga-diffuse ng tension, lalo na kina Steve at Mark na madalas magbangayan.
Unang napanood si Ysabel bilang si Angela Stevens-Fausto sa On the Wings of Love (2015) sa ABS-CBN, na nging home network niya sa loob ng tatlong taon.
Lumipat siya sa GMA-7 noong September 2019, and three years later ay nagbida sa seryeng What We Could Be (2022).
Voltes V: Legacy cast supporting roles
Ilan sa mga karakter pang makikita sa series ay sina Dennis Trillo as Ned Armstrong; Carla Abellana as Mary Ann Collins Armstrong; Gabby Eigenmann as Commander Robinson; Neil Ryan Sese as Dr. Hook; Albert Martinez as Dr. Richard Smith; Carlo Gonzales as Draco; Epi Quizon as Zuh; Christian Vasquez as Emperor Zambojil; Nico Antonio as General Ozlack; Max Collins as Rosalia; Jamie Wilson as Garth; Martin del Rosario as Zardoz, at Liezel Lopez as Zandra.