Pagkalipas ng limang taon ay nagbabalik ang Box Office Entertainment Awards, ang award-giving body ng Guillermo Mendoza Memorial Scholarship Foundation (GMMSF), Inc.
Ang Box Office Entertainment Awards ay isang parangal para sa mga showbiz personality base sa popularidad at commercial success ng kanilang mga proyekto.
Taong 2019 pa nagkaroon ng huling ng awards night ang Box Office Entertainment Awards, dahil ang sana'y 51st edition nito noong 2020 ay nakansela dahil sa coronavirus pandemic.
Ngayong 2024 ay muling binuhay ng GMMSF ang Box Office Entertainment Awards sa 52nd edition nito.
BOX-OFFICE PHENOMENAL STARS of philippine cinema: DINGDONG DANTES AND MARIAN RIVERA:
Ang reel-and-real-life couple na sina Dingdong Dantes at Marian Rivera ang gagawaran ng titulong Box-Office Phenomenal Stars of Philippine Cinema dahil sa tagumpay ng kanilang Metro Manila Film Festival (MMFF) 2023 entry na Rewind.
Ang Rewind ngayon ang may hawak ng record bilang highest-grossing Filipino movie, na base sa mga ulat ay umabot sa PHP1 billion ang kinita sa takilya. Ito rin ang kauna-unahang Filipino film na nakatuntong sa one-billion mark.
Read: Rewind ng DongYan highest-grossing Filipino film of all time
Sina Dingdong at Marian din ang napiling Most Popular Love Team for Movies.
Marian Rivera and Dingdong Dantes in Rewind
BOX-OFFICE KING & QUEEN: ALDEN RICHARDS AND KATHRYN BERNARDO
Ang itinanghal namang Box-Office King & Queen ay sina Alden Richards at Kathryn Bernardo, ngunit para sa magkaibang pelikula.
Si Alden ay kinilala para sa Five Breakups And A Romance, kung saan ang katambal niya ay si Julia Montes.
Si Kathryn naman ay hinirang para sa A Very Good Girl, na pinagbidahan nila ni Dolly de Leon.
Noong 2020, sina Alden at Kathryn ang hinirang na Box Office Phenomenal Stars of Philippine Cinema para sa kanilang unang pagtatambal sa pelikula, ang Hello, Love, Goodbye (2019).
Ang Hello, Love, Goodbye ay tumabo ng PHP880 million sa takilya.
Gaganapin sana ang awards night ng 51st Box Office Entertainment Awards noong March 15, 2020 ngunit nakansela nga ito dahil sa coronovirus pandemic na tumama sa buong mundo.
Dahil hindi pormal na naigawad kina Alden at Kathryn ang awards nila noong 2020, posibleng ibigay ito sa kanila ngayong taon.
FILM ACTORS & ACTRESS OF THE YEAR: DINGDONG, PIOLO, AND VILMA
Bukod sa Box Office Phenomenal Star of Philippine Cinema, si Dingdong Dantes din ang hinirang bilang isa sa Film Actors of the Year.
Kinilala si Dingong para pa rin sa kanyang pagganap sa Rewind, at kahati niya sa parangal si Piolo Pascual na kinilala naman para sa role niya sa Mallari.
Piolo Pascual in Mallari
Ang napili namang Film Actress of the Year ay ang Star For All Seasons na si Vilma Santos para sa kanyang comeback film na When I Met You In Tokyo.
Vilma Santos in When I Met You In Tokyo
Ang Rewind, Mallari, at When I Met You In Tokyo ay pawang official entries sa MMFF 2023, kung saan si Vilma rin ang nanalong Best Actress.
Sina Dingdong at Piolo ay kapwa nominado bilang Best Actor, ngunit ang nagwagi ay si Cedrick Juan para sa kanyang pagganap sa GomBurZa.
Read: Vilma Santos, Cedrick Juan, Firefly, Gomburza win big at MMFF 2023 Gabi Ng Parangal
Ngunit sa Manila International Film Festival sa Los Angeles, California, kung saan ipinalabas ang lahat ng MMFF 2023 entries at mayroon ding sariling award night, ay nag-tie sina Dingdong at Piolo para sa Best Actor.
Si Vilma naman ang muling itinanghal na Best Actress.
Read: MIFF Awards Night: Dingdong Dantes, Piolo Pascual tie for Best Actor; Vilma Santos wins Best Actress
TV STARS OF THE YEAR
Sa larangan naman ng telebisyon, ang napiling Primetime TV Actor & Actress of the Year ay sina Dennis Trillo at Barbie Forteza, respectively, para sa hit GMA-7 prime time series na Maria Clara At Ibarra.
Barbie Forteza and Dennis Trillo in Maria Clara At Ibarra
Sina Richard Yap at Jillian Ward naman ang Daytime TV Drama Actor & Actress of the Year para sa kanilang long-running Kapuso afternoon drama series na Abot-Kamay Na Pangarap.
Jillian Ward and Richard Yap in Abot-Kamay Na Pangarap
Ang veteran stars na sina Tirso Cruz III (Maria Clara At Ibarra) at Pinky Amador (Abot-Kamay Na Pangarap) ang ginawaran ng TV Supporting Actor & Actress of the Year, respectivey.
Most Popular Love Team for Television ang magkasintahang Ruru Madrid at Bianca Umali para sa kanilang teleseryeng The Write One.
Ang hinirang na Male TV Host ay si Luis Manzano (Your Face Sounds Familiar at It's Your Lucky Day) at tabla naman bilang Female TV Hosts sina Maine Mendoza (Eat Bulaga!) at Kim Chiu (It's Showtime).
Comedy Actor & Actress of the Year sina Bong Revilla Jr. at Beauty Gonzalez para sa Walang Matigas Na Pulis Sa Matinik Na Misis.
PRINCE & PRINCESS OF PHILIPPINE ENTERTAINMENT: DONNY PANGILINAN & BELLE MARIANO
Ang Kapamilya love team na sina Donny Pangilinan at Belle Mariano ang ginawaran ng titulong Prince & Princess of Philippine Entertainment.
Ang DonBelle ay kasalukuyang napapanood sa prime time series na Can't Buy Me Love.
Gaganapin ang Box Office Entertainment Awards 2024 sa Henry Lee Irwin Theater ng Ateneo De Manila University sa May 12, 2024.
Belle Mariano and Donny Pangilinan in Can't Buy Me Love
FULL LIST OF WINNERS
Narito ang kumpletong listahan ng mga paparangalan sa 52nd Box Office Entertainment Awards ng GMMSF:
Box-Office Phenomenal Stars of Philippine Cinema - Dingdong Dantes and Marian Rivera (Rewind)
Box Office King - Alden Richards (Five Breakups and A Romance)
Box-Office Queen - Kathryn Bernardo (A Very Good Girl)
Film Actors of the Year - Dingdong Dantes (Rewind) & Piolo Pascual (Mallari)
Film Actress of the Year - Ms. Vilma Santos (When I Met You in Tokyo)
Primetime TV Drama Actor of the Year - Dennis Trillo (Maria Clara at Ibarra)
Primetime TV Drama Actress of the Year - Barbie Forteza (Maria Clara at Ibarra)
Daytime TV Drama Actor of the Year - Richard Yap (Abot-Kamay Na Pangarap)
Daytime TV Drama Actress of the Year - Jillian Ward (Abot-Kamay Na Pangarap)
Prince of Philippine Entertainment - Donny Pangilinan
Princess of Philippine Entertainment - Belle Mariano
Movie Supporting Actor of the Year - Enchong Dee (GomBurZa)
Movie Supporting Actress of the Year - Alessandra da Rossi (Firefly)
TV Supporting Actor of the Year - Tirso Cruz III (Maria Clara at Ibarra)
TV Supporting Actress of the Year - Pinky Amador (Abot-Kamay na Pangarap)
Most Popular Loveteam for Movies - Dingdong Dantes & Marian Rivera (Rewind)
Most Popular Loveteam for Television - Ruru Madrid & Bianca Umali (The Write One)
Concert of the Year - Dear Heart The Concert Series MOA Arena (Sharon Cuneta & Gabby Concepcion)
Male Concert Performer of the Year - Bamboo (Sarah G x Bamboo)
Female Concert Performer of the Year - Sarah Geronimo (Sarah G x Bamboo)
Male Recording Artist of the Year - Darren (Bibitaw Na - Top Streamed)
Female Recording Artist of the Year - Moira dela Torre (Ikaw at Sila Album/EME Album)
Most Popular Recording/Performing Group - SB 19 (Pagtatag World Tour)
Most Popular Child Performer of the Year - Euwenn Mikaeli (Firefly)
Most Popular Film Producer - Star Cinema, APT Productions, Agosto Dos (Rewind)
Most Popular Screenwriter - Enrico Santos (Rewind)
Most Popular Film Director - Mae Cruz Alviar (Rewind)
Most Popular TV Program - Kapuso Mo, Jessica Soho (News & Public Affairs)
Most Popular TV Program - FPJ’s Batang Quiapo (Primetime Drama)
Most Popular TV Program - Fast Talk With Boy Abunda (Talk Show)
Most Popular TV Program - Family Feud (Reality/Talent/Game)
Most Popular TV Program - ASAP (Noontime/Primetime/ Musical Variety)
Male TV Host - Luis Manzano
Female TV Hosts – Maine Mendoza & Kim Chiu
Comedy Actor of the Year – Bong Revilla Jr. (Walang Matigas na Pulis sa Matinik na Misis)
Comedy Actress of the Year - Beauty Gonzalez (Walang Matigas Na Pulis sa Matinik na Misis)
SPECIAL AWARDS:
Best Marcelo Lifetime Achievement Award - Empoy Marquez
Corazon Samaniego Lifetime Achievement Award - Christopher de Leon
Box Office Iconic Stars of Philippine Movies - Vilma Santos
Box Office Iconic Stars of Philippine Television - TVJ for Eat Bulaga!
Global Entrepreneur of the Year - Olivia Quido-Co
Outstanding Public Service Award - Joselito Andrew Roxas Mendoza
Businesswoman of the Year Award - Anna Andrea Magkawas