Pebrero 10, 2024 hanggang Enero 28, 2025 ang Year of the Wood Dragon.
Sakop ng taon na iyan ang 20th edition ng Cinemalaya filmfest, 30th anniversary ng Manila Film Festival Scam, at 50th edition ng Metro Manila Film Festival (MMFF) .
30TH ANNIVERSARY OF MANILA FILMFEST 1994 SCAM
Hunyo 22 ginanap ang awards night ng MANILA FILM FESTIVAL 1994, sa ilalim ni Mayor Alfredo Lim.
Read: Manila Film Festival 1994: The Scandal that Rocked Showbiz
Ini-annnounce na best actor at best actress sina Gabby Concepcion at Ruffa Gutierrez para sa pelikulang Loretta, na idinirek ni Mel Chionglo para sa OctoArts Films.
Ang totoong best actor ay si Edu Manzano para sa Zacarias, at ang totoong best actress ay si Aiko Melendez para sa Maalaala Mo Kaya: The Movie.
Inako ni Lolit Solis ang pagiging mastermind ng filmfest scam.
Manager and PR Lolit Solis (center) manipulated the results for the Best Actor and Best Actress at the Manila Film Festival Gabi ng Parangal on June 22, 1994. Instead of tabulated winners Edu Manzano (upper right) and Aiko Melendez (bottom right), Solis’s talent Gabby Concepcion (upper left) and actress-beauty queen Ruffa Gutierrez (bottom left) were announced the winners.
Si Manay Lolit ang talent coordinator ng awards night. Siya rin ang manager noon ni Gabby.
Binitawan ni Manay Lolit ang pagma-manage kay Gabby, at nagtangka siyang magpatiwakal. Mula noon ay hindi na dumalo ng awards night si Manay Lolit.
Nagpapa-dialysis ang septuagenarian na si Manay Lolit dalawang beses kada linggo, Martes at Biyernes, mula noong Hulyo 2022.
Read: Lolit Solis, idinadalangin ang "painless death"
Kabilang pa sa mga personalidad na pinag-usapan sa eskandalo ay sina Gretchen Barretto, Nanette Medved, Rocky Gutierrez, at Viveka “Take it! Take it!” Babajee.
Gretchen Barretto, Miss Mauritius Viveka Babajee, and Rocky Gutierrez presenting the Best Actress award.
Read: Manila Film Festival Scam 1994: Mga katanungang hanggang ngayon ay wala pang kasagutan
Tumamlay ang pelikulang Pinoy noong 1994 matapos ang filmfest fiasco.
Sa 20th MMFF noong Disyembre 1994, walang pinarangalan bilang best picture, best director, best screenplay, at Gatpuno Antonio J. Villegas Cultural Award.
Ang anim na official entries ng MMFF 1994 ay Kanto Boy 2: Anak ni Totoy Guapo ni Ian Veneracion; Lucas Abelardo ni Roi Vinzon; Mama’s Boys 2: Let’s Go Na nina Anjo Yllana, Ogie Alcasid, Michael V, at Patrick Guzman; Ang Pagbabalik ni Pedro Penduko ni Janno Gibbs; Shake, Rattle & Roll V; at Wanted: Perfect Father ni Dolphy.
20TH CINEMALAYA
Under renovation ang Cultural Center of the Philippines (CCP). Ang main venue ng 19th CINEMALAYA last year ay ang Philippine International Convention Center (PICC).
Read: Complete guide to Cinemalaya 2023 full-length entries
Hindi conducive ang panonood ng pelikula sa mga meeting room ng PICC. Kung ang nasa harapan mo ay matangkad, effort kung effort para makita mo ang kabuuan ng mga kaganapan. Masakit sa leeg!
E, ang mahal pa ng singil sa PICC. By the hour ang singilan.
But at least, masasarap at reasonable ang presyo ng mga pagkain sa canteen, kung saan magagalang ang staff.
Cinemalaya 2023 official entries
Agosto ginaganap ang Cinemalaya.
Kinukumpuni pa rin ang CCP, mabuti at hindi na sa PICC gaganapin ang prestihiyosong indie filmfest ng bansa. Malamang na sa Ayala By The Bay gaganapin ang 20th Cinemalaya. Sosi!
For the first time, nag-premiere sa Cinemalaya last year ang isang Vivamax movie — ang Call Me Alma na idinirek ni Mac Alejandre, mula sa panulat ng National Artist na si Ricky Lee.
Bida rito sina Azi Acosta at Jaclyn Jose bilang mag-ina. Co-stars sina Mon Confiado, Gold Aceron, Josef Elizalde, Richard Solano, Soliman Cruz, at Aiko Garcia.
Read: Director Mac Alejandre reacts to negative comments about premiere of his Vivamax movie in Cinemalaya
Meron kaya uling pa-premiere ang Vivamax sa Cinemalaya this year?
Iyong awards night ng Cinemalaya last year ay sinabayan ng FAMAS Awards sa Manila Hotel.
Maagang natapos ang Cinemalaya awards noon, samantalang late nag-umpisa ang Gabi ng FAMAS kaya nakapaglagare ang iba sa dalawang event.
GOLDEN YEAR OF MMFF
Dahil Golden Year na ng METRO MANILA FILM FESTIVAL, wagas ang paghahanda ng MMFF Executive Committee para rito.
Iniligwak na muna ang Summer MMFF para mag-focus ang komite sa December filmfest.
Read: Walang Summer MMFF at Pista ng Pelikulang Pilipino ngayong 2024
Merong coffeetable book. May film showing ng previous best pictures ng MMFF.
Ayon pa sa spokesperson ng MMFF na si Noel Ferrer, “Babalik this year ang Student Short Film Competition.
“Katuwang ang MMFF ExeCom sa Sine Singkuwenta ng FDCP, kung saan ang mga previous MMFF entries ay mapapanood sa halagang P50. Sa pakikipagtulungan ito siyempre ng Cinema Exhibitors Association of the Philippines [CEAP].
“Maraming screenings na magre-reunion ang cast and filmmakers, and possibly may talkback session with the audience after the screening.”
Iyong ibang official entries ng 49th MMFF ay umaariba pa ang international screenings.
Ang 49th MMFF ang pinakamalakas na sa kasaysayan ng MMFF, at malaking factor diyan ang super-blockbuster na Rewind nina Dingdong Dantes at Marian Rivera.
Ang Rewind ang pinakamalakas na pelikulang Pinoy in history — domestic man o worldwide gross ang pag-uusapan — pero hindi iyon adjusted sa inflation.
Read: Rewind, first Filipino film na naka-PHP900M sa box office; MIFF sa Hollywood nagsimula na
Nauna nang pinarangalan ang DongYan at buong produksiyon ng Rewind sa Quezon City LGU. Sumunod ang Senado.
Read: Rewind nina Dingdong Dantes at Marian Rivera, kinilala sa Senado
May mas lalakas pa kaya sa Rewind sa 50th MMFF?
Meron kayang entry rito si Vice Ganda, na ididirek ni Jun Lana?
Matuloy kaya ang pagsasama-sama nina Senator Bong Revilla, Senator Robin Padilla, at Coco Martin sa isang pelikulang pang-MMFF 2024?
Read: Bong Revilla, Robin Padilla, Lito Lapid, at Coco Martin magsasanib-puwersa sa pelikula
Sa kasaysayan ng MMFF, si Chanda Romero ang may pinakamaraming pelikulang pinagbidahan sa isang edisyon.
Sa 3rd MMFF noong 1977 kung saan siyam na pelikula ang kalahok, apat ay tampok si Chanda — Babae… Ngayon at Kailanman ni Joey Gosiengfiao, Inay ni Lino Brocka, Sa Piling ng Mga Sugapa ni Gil Portes, at Banta ng Kahapon ni Eddie Romero.
Ang topgrosser at humakot ng awards ay ang kontrobersiyal na Burlesk Queen ni Vilma Santos, sa direksyon ni Celso Ad. Castillo.
Co-stars ni Vilma sa Burlesk Queen sina Rolly Quizon, Rosemarie Gil, Leopoldo Salcedo, Joonee Gamboa,, Roldan Aquino, Dexter Doria, Yolanda Luna, at Chito Ponce Enrile.
Sa 49 years ng MMFF, nakawalong best actress trophy si Nora Aunor, samantalang tiglima sina Vilma Santos at Maricel Soriano.
Nakatatlo si Amy Austria, at tigdadalawa sina Jennylyn Mercado, Gloria Romero, at Judy Ann Santos.
Sa lipon ng MMFF best actors, nakapitong trophy si Christopher de Leon.
Tigtatlo sina Cesar Montano at Anthony Alonzo.
Tigdadalawa sina Derek Ramsay, Dingdong Dantes, Dolphy, Eric Quizon, at Aga Muhlach.
Sa MMFF 2010, best actor si Dolphy para sa Father Jejemon, at siya rin ang best supporting actor para sa Rosario.
EDDIE ROMERO'S 100TH BIRTH ANNIVERSARY
Ngayong 2024 din ang 100th birth anniversary ng National Artist na si Eddie Romero (Hulyo 7, 1924-Mayo 28, 2013).
Pagpupugayan ng Film Development Council of the Philippines (FDCP) si Eddie Romero ngayong taon.
Kabilang sa mga obra ni Eddie Romero ang Ganito Kami Noon… Paano Kayo Ngayon? (1976) na tinampukan nina Christopher de Leon, Eddie Garcia, at Gloria Diaz.
Nagwagi ito sa 2nd MMFF bilang best film, best director, best actor (Christopher de Leon), best screenplay, best music, best art direction.
Si Eddie Romero rin ang nagdirek ng makasaysayang Aguila (1980), kung saan gumanap si Ricky Rivero bilang batang Daniel Aguila, na paglaki ay ginampanan ni Fernando Poe Jr.
Ang gumanap na ina ni FPJ sa Aguila ay ang movie queen na si Amalia Fuentes. Mas matanda ng isang taon si Da King kesa kay Amalia.
Tatlo’t kalahating oras ang running time ng Aguila.
Maliban kina FPJ at Amalia, nasa cast nito sina Christopher de Leon, Charo Santos, Elizabeth Oropesa, Jay Ilagan, Eddie Garcia, Chanda Romero, Celia Rodriguez, Daria Ramirez, Orestes Ojeda, Susan Valdez, Johnny Delgado, Sandy Andolong na Andrea Andolong pa ang screen name, at Aga Muhlach na Ariel Muhlach pa ang screen name.
Nasa cast din ng Aguila sina Conrad Poe, at Roderick Paulate, Ruben Rustia, Lito Anzures, Ricky Sandico, Joonee Gamboa, Behn Cervantes, Rolando Tinio, at marami pang iba.
Ang ilan pa sa mga obra ni Eddie Romero ay ang fantasy film na Kamakalawa (1981) starring Christopher de Leon, Tetchie Agbayani, and Chat Silayan; ang MMFF 1982 entry na Desire nina Tetchie Agbayani at John Saxon, kung saan tampok din sina Charito Solis at Mark Gil; ang epic historical drama na Hari sa Hari, Lahi sa Lahi (1987), na pinagbidahan nina Vic Vargas at Wang Hsing Gang; ang MMFF 1977 entry na Banta ng Kahapon, kung saan tampok sina Vic Vargas, Roland Dantes, Chanda Romero, at Bembol Roco na ang screen name pa ay Rafael Roco Jr.; at ang romantic musical drama na Sinong Kapiling? Sinong Kasiping? (1977), tampok sina Vic Vargas, Gloria Diaz, Rosemarie Gil, Daria Ramirez, Lito Legaspi, Mat Ranillo III, Tita Duran, at Pancho Magalona.